شوپیان پولیس اسٹیشن پر گرینیڈ حملہ

اس سے قبل کولگام کے علاقہ فرصل میں پولیس چوکی پر گرینیڈ حملہ کیا گیا تھا تاہم اس میں کوئی جانی یا مالی نقصان نہیں ہوا۔

جنوبی کشمیر کے شوپیان ضلع میں مشتبہ عسکریت پسندوں نے پولیس اسٹیشن شوپیان پر ایک گرینیڈ پھینکا جو پھٹنے سے رہ گیا۔

تفصیلات کے مطابق مشتبہ عسکریت پسندوں نے پیر کی شام قریب سات بجکر 40 منٹ پر پولیس اسٹیشن شوپیان پر ایک گرینیڈ داغا جو پھٹنے سے رہ گیا۔ بعد میں پولیس بم ناکارہ بنانے والے عملے کو طلب کیا اور گرنیڈ کو ناکارہ کر دیا۔

فورسز اہلکاروں نے پولیس اسٹیشن کے آس پاس کے علاقوں میں سرچ آپریشن شروع کیا ہے اور حملہ آواروں کی تلاش جاری ہے۔

واضح رہے اس سے قبل ضلع کولگام کے فرصل علاقے میں مشتبہ عسکریت پسندوں نے ایک پولیس چوکی پر گرینیڈ حملے کیا تاہم اس میں کوئی جانی نقصان نہیں ہوا۔