سیکیورٹی فورسز نے جنوبی کشمیر کے شوپیان ضلع کے چک نوگام علاقے کو محاصرے میں رکھا تھا اور گاؤں کی طرف جانے والے سبھی راستوں کو سیل کردیا گیا تھا۔
یہ محاصرہ اسوقت شروع ہوا تھا جب بدھ کی شام دیر گئے عسکریت پسندوں اور سکیورٹی فورسز کے درمیان گولیوں کا تبادلہ ہوا، جس میں تین فوجی اہلکار زخمی ہوئے ہیں۔ Injures Forces in Shopian Encounter۔
تفصیلات کے مطابق فوج کی 34 راشٹریہ رائفلز سی آر پی ایف اور جموں و کشمیر پولیس نے ضلع کے چک نوگام علاقے کو عسکریت پسندوں کی موجودگی کی اطلاع ملنے پر محاصرے میں لے کر تلاشی آپریشن شروع کیا۔ Chaknavgam in Shopian Jammu Kashmir۔
تلاشی آپریشن شروع ہونے کے دوران ہی عسکریت پسندوں نے فورسز اہلکاروں پر فائرنگ کر دی، جس میں تین فوجی اہلکار زخمی ہو گئے۔ جن کی شناخت سومویر کمار، سنیل کمار اور میانک سنگھ کے بطور ہوئی ہے۔
مزید پڑھیں:
ابتدائی فائرنگ کے تبادلے کے بعد فورسز اہلکاروں نے پورے علاقے میں جمعرات کی صبح تک سرچ آپریشن جاری رکھا، تاہم عسکریت پسند فرار ہو گئے اور فورسز اہلکاروں کو خالی ہاتھ واپس لوٹنا پڑا۔
جمعرات کی صبح فورسز نے علاقے میں دوبارہ تلاشی کارروائی شروع کی تاہم کسی عسکریت پسند کی موجودگی کا کوئی سراغ نہیں مل پایا۔ باور کیا جاتا ہے عسکریت پسند رات کے اندھیرے کا فائدہ اٹھاکر فرار ہونے میں کامیاب ہوگئے ہیں۔
دریں اثنا جنوبی کشمیر کے سب ضلع ترال میں سیکیورٹی فورسز نے مونگہامہ گاؤں کا محاصرہ کرکے تلاشی کارروائی شروع کی ہے۔
cordon and search operation in monghama tral
