شوپیان: جنوبی کشمیر کے شوپیان ضلع میں ایک 25 سالہ نوجوان گولی لگنے سے ہلاک ہوگیا۔ مذکورہ نوجوان کی شناخت صہیب احمد گنائی ولد غلام محمد گنائی ساکن ترکہ وانگام کے طور پر ہوئی ہے۔ مقامی لوگوں کے مطابق صہیب گنائی اپنی دکان "صہیب سپیر پارٹس" پر تھا اور وہ کچھ ہی میٹر دور ایک نالہ میں گیا کہ اسی دوران سیکورٹی فورسز کے اہلکار ایک گاڑی سے اترے اور صہیب پر فائرنگ کی، جس کی وجہ سے وہ شدید طور پر زخمی ہوگیا۔
اگر چہ صہیب کو زخمی حالت میں ہسپتال منتقل کیا گیا تاہم وہ زخموں کی تاب نہ لاتے ہوئے دم تھوڈ بیٹھا۔ مقامی لوگوں نے بعد میں جائے واردات پر جم کر نعرے بازی کی اور قصوروار اہلکاروں کو سزا دینے کی مانگ کی۔ اس دوران ایس پی شوپیاں تنو شری بھی وہاں موجود تھیں اور لوگوں کو یقین دہانی کرائی کہ پولیس اس معاملہ کی جانچ کرے گی۔
مزید پڑھیں:
ادھر پولیس نے اپنے ایک بیان میں بتایا کہ عسکریت پسندوں نے دراز پورہ علاقے میں سی آر پی ایف کی 178 بٹالین پر فائرنگ کی جس دوران کراس فائرنگ میں ایک مقامی نوجوان زخمی ہوگیا جو بعد میں ہسپتال میں دم تھوڑ بیٹھا۔
