صوبہ جموں کے ضلع رامبن کے ایک گاؤں چمبیال میں سڑک کی خستہ حالی کی وجہ سے لوگوں نے انتظامیہ کے خلاف احتجاج کیا۔
لوگوں کا کہنا ہے 'میترہ سے پلوت جانے والی قریب 10 کلو مٹر لمبی سڑک کی تعمیر چار سال قبل مکمل کی گئی تھی۔ سڑک پر میگڈامائز نہ بچھانے کی وجہ سے ایک سال کے اندر ہی سڑک کی حالت پھر سے خستہ ہوگئی ہے'۔
احتجاجیوں نے مزید کہا 'سڑک پر جگہ جگہ گڈھے پڑے ہوئے ہیں جس کی وجہ سے بارش کے دوران مقامی لوگوں کو سفر کرنے میں کافی پریشانیوں کا سامنا کرنا پڑتا ہے'۔
اس کے ساتھ ساتھ پنچایت بلوت کے چمبیال گاؤں میں محکمہ نے ایک پرائمری اسکول کی منظوری دی تھی، پچھلے سات برسوں سے اسکول کو نہیں کھولا گیا ہے۔ جس کی وجہ سے گاؤں کے نو نہال بچوں کو تین کلو مٹر دور سکول میں جانا پڑھتا ہے جو چھوٹے بچوں کیلئے مشکل ہی نہیں ناممکن ہے۔
یہ بھی پڑھیے
جموں و کشمیر میں آج ریکارڈ 1698 کورونا کیسز درج
کانگریس سٹیٹ سیکٹریری و سابقہ ایم ایل اے رامبن اشوک کمار ڈوگرہ نے کہا 'اگر محکمہ پی ایم جی ایس وائی سڑک کی مرمت اور تارقول نہیں بچھاتا ہے اور محکمہ تعلیم کی جانب سے گاؤں میں اسکول نہیں کھولا گیا تو وہ ضلع ہیڈکوارٹر کے باہر احتجاج کریں گے'۔
انہوں نے لیفٹینینٹ گورنر انتظامیہ سے فوری طور پر پرائمری اسکول کھولنے اور سڑک کی مرمت کی اپیل کی ہے'۔
