وادیٔ کشمیر میں بیک ٹو ولیج پروگرام کا تیسرا مرحلہ جاری ہے جس میں دور دراز علاقہ جات میں لوگوں کے مسائل اور پریشانیوں کا ازالہ کرنے کے لئے حکومت کی جانب سے اس کے تحت پروگرامز منعقد کیے جا رہے ہیں۔
ضلع پلوامہ کے رہمو علاقے میں بھی بیک ٹو ولیج کے سلسلے میں پروگرام منعقد کیا گیا۔ تاہم پروگرام میں اعلیٰ افسران کی شرکت نہ کرنے پر لوگوں نے برہمی کا اظہار کیا۔
بیک ٹو ولیج میں اعلی افسران کی شرکت نہ کرنے پر عوام برہم
پروگرام میں آئے لوگوں کے مطابق انہوں نے اس ضمن میں انتظامیہ کے اعلیٰ افسران سے رابطہ قائم کیا۔ تاہم اس کے باوجود بھی کسی اعلیٰ افسر نے پروگرام میں شرکت نہیں کی۔
مقامی باشندوں نے اعلیٰ افسران اور بیک ٹو ولیج کے تئیں ناراضگی کا اظہار کرتے ہوئے اسے 'عوام کے ساتھ مذاق' قرار دیا۔
