ضلع پلوامہ کے درنگہ بل پانپور میں فوج اور عسکریت پسندوں کے درمیان ہونے والا تصادم تقریباً 10 گھنٹے بعد ختم ہوا۔
اس تصادم میں دو عسکریت پسند ہلاک ہوئے ہیں جن میں سے ایک کی شناخت عمر مشتاق کھانڑے کے طور پر ہوئی ہے جو لشکر کا سرگرم کمانڈر مانا جاتا تھا جبکہ دوسرے عسکریت پسند کی شناخت ابھی تک نہیں ہوئی ہے۔
اس جھڑپ میں عسکریت پسندوں کی ہلاکت پولیس کی بڑی کامیابی مانی جا رہی ہے۔ پولیس نے کہا کہ 'عمر مشتاق سرینگر کے باغات میں دو پولیس والوں کے قتل میں ملوث تھا۔
واضح رہے کہ یہ جھڑپ شب تقریباً تین بجے اُس وقت شروع ہوٸی تھی جب فوج نے مصدقہ اطلاع ملنے پر درنگہ بل پانپور علاقے میں محاصرہ شروع کیا تھا۔ اس دوران علاقے میں چھپے عسکریت پسندوں نے فوج کی تلاشی پارٹی پر گولیاں چلائیں جس کے بعد فوج نے جوابی کارواٸی کی اور دو عسکریت پسندوں کی ہلاکت کے بعد یہ انکاؤنٹر ختم ہوا۔
