پلوامہ میں عسکریت پسند گرفتار

جموں و کشمیر پولیس نے ضلع پلوامہ میں ایک عسکریت پسند کو گرفتار کرنے کا دعویٰ کیا ہے۔

تفصیلات کے مطابق ضلع پلوامہ کے بیلائو علاقے میں فوج کی 44 آر آر ، ایس او جی اور سی آر پی ایف کی مشترکہ ٹیم نے ایک ناکہ کے دوران ایک مقامی عسکریت پسند کو گرفتار کیا ہے۔

پولیس ذرائع نے بتایا کہ گرفتار شدہ عسکریت پسند کی شناخت ارشاد احمد ڈار ولد علی محمد ڈار کے بطور کی گئی ہے۔ ان کا تعلق خانکا باغ پانپور پلوامہ سے ہے۔

پولیس نے بتایا کہ گرفتار شدہ عسکریت پسند سے دو چائنیز گرنیڈ اور میگزین برآمد ہوئے ہے۔ اس سلسلے میں ایک مقدمہ درج کرلیا گیا ہے اور مزید تحقيقات شروع کردی گئی ہے۔

واضح رہے کہ رواں برس وادی میں سیکیورٹی فورسز نے عسکریت پسند مخالف کاروائیوں میں تیزی لائی ہے۔ فورسز نے رواں برس مختلف تصادم آرائیوں کے دوران تقریباً 190 عسکریت پسندوں کو ہلاک کیا ہے۔ اس کے علاوہ درجن سے زیادہ عسکری معاونین کو گرفتار کیا ہے۔