پلوامہ میں پولیس پارٹی پر گرینیڈ حملہ

گرینیڈ نشانے پر نہیں لگا اور پھٹنے سے رہ گیا۔ کسی قسم کے جانی یا مالی نقصان کی اطلاع نہیں ہے۔

جموں و کشمیر کے جنبوبی ضلع پلوامہ کے مین ٹاون علاقہ میں عسکریت پسندوں نے پولیس ناکہ پارٹی پر گرینیڈ داغا جو پھٹنے سے رہ گیا۔

اطلاعات کے مطابق نامعلوم افراد نے چاٹہ پورہ فائر سروس کے قریب تعینات پولیس پارٹی پر گرینیڈ داغا تاہم اس میں دھماکہ نہیں ہوا۔ ذرائع کے مطابق کسی جانی یا مالی نقصان کی کوئی اطلاع نہیں ہے۔

سیکورٹی فورسز نے واقعہ کے بعد پورے علاقہ کو محاصرے میں لیا اور حملہ آوروں کی تلاش شروع کر دی ہے۔

بعض رپورٹس کے مطابق مشتبہ عسکریت پسندوں نے سی آر پی ایف اور پولیس کی ایک مشترکہ پارٹی پر فائرنگ کی تاہم فی الوقت کسی جانی یا مالی نقصان کی کوئی اطلاع نہیں ہے۔