ترال: ڈی ڈی سی ممبر ترال ڈاکٹر ہربخش سنگھ نے ترال بلاک کے پنگلش اور ناگواڑی گاؤں کا دورہ کیا اور وہاں عوامی وفود سے ملاقات کی۔ اس موقعے پر انہوں نے لوگوں کے مسائل سنے اور ان کے مسائل کے بروقت ازالہ کی یقین دہانی کرائی۔ ڈاکٹر ہر بخش سنگھ نے ناگواڑی علاقے کے کچھ اسکولی بچوں میں مفت اسکول بیگ بھی تقسیم کیے اور انھیں یقین دلایا کہ وہ ان کے جایز مطالبات پر ہمیشہ آگے رہیں گے۔ اس موقعے پر موجود لوگوں نے ڈی ڈی سی ممبر موصوف کا تہہ دل سے شکریہ ادا کیا اور امید ظاہر کی کہ وہ مستقبل میں بھی اپنا تعاون فراہم کریں گے۔ DDC Member tours Nagwadi to listen public grievance
یہ بھی پڑھیں:
میڈیا سے بات کرتے ہوئے ڈاکٹر سنگھ نے کہا کہ وہ اپنے عوامی رابطہ پروگرام کے تحت ترال کے مختلف علاقوں کا دورہ کر رہے ہیں اور آج انہوں نے ناگہ واڑی کے اس دور افتادہ علاقے کا دورہ کیا اور یہاں کے مسائل کا از خود جائزه لیا۔ ان کا مزید کہنا تھا کہ وہ آنے والے دنوں میں وہ ترال کے ناگبل علاقے کا دورہ بھی کریں گے اور وہاں صورت حال کا جائزہ لیں گے۔
