ضلع پلوامہ کے امیرآباد، ترال علاقے میں نقب زنوں نے مبینہ طور زیارتگاہ حضرت شاہ ہمدان (رحمۃ اللہ علیہ) کی دان پیٹی سے نقدی اڑا لے گئے۔ Cash Looted from Tral shrine, Case Registeredمقامی باشندوں کے مطابق جب وہ فجر کی نماز کے لیے مسجد پہنچے تو انہوں نے زیارتگاہ کی دونوں پیٹیوں کو کھلا ہوا پایا۔ مقامی باشندوں کا کہنا ہے کہ نقب زن دوران شب دان پیٹی سے نذر و نیاز کی رقم اڑانے میں کامیاب ہو گئے۔
مقامی باشندوں نے فوری طور پولیس کو مطلع کیا، پولیس نے معاملے کی نسبت کیس درج کر کے تحقیقات شروع کر دی ہے۔Cash Looted from Tral shrine لوگوں نے پولیس سے نقب زنوں کو فوری طور گرفتار کرکے انکے خلاف کارروائی کئے جانے کا مطالبہ کیا ہے۔ انہوں نے مزید کہا کہ اس سے قبل بھی نقب زن دان پیٹی سے نقدی اڑانے میں کامیاب ہو چکے ہیں جبکہ آج تک انکا کوئی سراغ نہیں لگایا جا سکا۔