Unknown Gunmen Fired Upon Two Non Locals: پلوامہ میں دو غیرمقامی افراد پر فائرنگ، نازک حالت میں ہسپتال منتقل

جنوبی ضلع پلوامہ کے لیتر علاقے میں اتوار کی شام کو مشتبہ افراد نے غیر مقامی ڈرائیور اور کنڈیکٹر پر فائرنگ کی، جس کے نتیجے میں دونوں شدید طورپر زخمی ہوئے اور اُنہیں مقامی ہسپتال منتقل کیا گیا۔ Two Non-Locals Shot And Injured in Pulwama

سرکاری ذرائع نے بتایا کہ لیتر پلوامہ میں مشتبہ ملیٹینٹوں نے غیر مقامی ڈرائیور اور کنڈ یکٹر پر فائرنگ کی، جس وجہ سے وہ خون میں لت پت ہو کر نیچے گرپڑے چنانچہ آس پاس موجود لوگوں نے دونوں کو طبی امداد کی خاطر ضلع ہسپتال پلوامہ منتقل کیا، جہاں سے ایک کو تشویشناک حالت میں صدر ہسپتال ریفر کیا گیا۔ Unknown Gunmen Fire In Pulwama

زخمی ڈرائیور اور کنڈیکٹر کی شناخت سریندر اور دھیرج دتا کے بطور ہوئی اور دنوں پٹھان کورٹ کے ساکن ہے۔ ہسپتال ذرائع نے بتایا کہ سریندر کے سینے میں گولی لگی ہے اور اُس کو مزید علاج ومعالجہ کی خاطر صدر ہسپتال سرینگر منتقل کیا گیا جبکہ دھیرج دتا کی ٹانگ کو گولی لگی ہے۔ معلوم ہوا ہے کہ حملے کے بعد فوج، پولیس اور سی آر پی ایف نے مشترکہ طورپر لیتر پلوامہ علاقے کو محاصرے میں لے کر حملہ آوروں کی بڑے پیمانے پر تلاش شروع کر دی ہے۔ Unknown Gunmen Fired Upon Two Non Locals