سرنکوٹ کے دھندک میں سڑک حادثہ، چار افراد زخمی

پونچھ کی تحصیل سرنکوٹ کے علاقہ دھندک میں پیش آئے سڑک حادثے میں چار افراد زخمی ہو گئے۔ زخمیوں میں سے ایک حالت تشویشناک بتائی جا رہی ہے۔

منڈی: ضلع پونچھ کی تحصیل سرنکوٹ کے علاقہ دھندک میں ایک سوفٹ گاڑی زیر نمبر JK20 0031 حادثہ کا شکار ہو گئی۔ اس حادثے کے نتیجہ میں چار افراد زخمی ہو گئے۔ زخمیوں کی شناخت شہزاد الرحمان ولد محمد اشرف ساکن مدانہ عمر تقریباً 20 سال، عمران شکیل ولد محمد شکیل ساکن مدانہ عمر تقریباً 22 سال، مجید احمد ولد شکیل احمد ساکن لسانہ عمر تقریباً 21 سال کے طور پر ہوئی ہے۔

ذرائع کے مطابق یہ گاڑی لسانہ سے سرنکوٹ کی جانب جارہی تھی اور گاڑی تیز رفتار تھی جس کی وجہ یہ تیز رفتار گاڑی دھندک کے مقام پر ڈرائیور کے ہاتھوں سے بے قابو ہو گئی اور سڑک پر پلٹ گئی جس کے نتیجہ میں چار افراد زخمی ہوگئے۔ اس موقعے پر مقامی لوگوں اور جموں و کشمیر کی ٹیم نے ریسکیو کر زخمیوں کو ایمبولینس کے ذریعے ضلع ہسپتال پونچھ منتقل کیا گیا جہاں ان کا بنیادی علاج و معالجہ جاری ہے۔

پونچھ ضلع ہسپتال کے سپرنٹنڈنٹ ڈاکٹر ذو الفقار علی نے بتایا کہ حادثے میں زخمی ہوئے چار لوگوں کو ہسپتال لایا گیا تھا۔ ان میں سے ایک کی حالت نازک تھی جسے ریفر کر دیا گیا ہے جب کہ دیگر تین لوگوں کا علاج ضلع ہسپتال میں ہی جاری ہے۔ زخمیوں کی صورت حال پر نظر رکھی جا رہی ہے۔ اس معاملے میں پولیس نے کیس درج کر کے جانچ شروع کر دی ہے۔