شمالی کشمیر کے ضلع بانڈی پورہ کے سمبل سوناواری میں آج گرام روزگار سیوک (جی آر ایس) کے ملازمین نے اپنے مطالبات کو لیکر پر امن احتجاج کیا اور جموں و کشمیر انتظامیہ کے خلاف نعرے بازی کی۔ Gram Rozgar Sewak Protest in Bandipora
گرام روزگار سیوک کے ملازمین نے میڈیا سے بات کرتے ہوئے کہا کہ ریاستی حکومت گرام روزگار سیوک کو بلاک ڈیولپمنٹ آفیسر اور پردھان کے ساتھ تقرری کرتی ہے لیکن (جی آر ایس) گرام روزگار سیوک کو کافی کم تنخواہ دیا جاتا ہے، کئی بار تنخواہ میں اضافے کو لیکر ملازمین نے اعلیٰ عہدیداروں سے ملاقات کی لیکن کوئی حل نہیں نکلا۔ ملازمین کے مطابق ان کے جائز مطالبات جب تک پورے نہیں ہوتے ان کا ہڑتال جاری رہے گا۔
ویڈیو
مزید پڑھیں:
واضح رہے کہ جی آر ایس کا بنیادی کام منریگا کے کاموں کو مضبوط بنانے کے لئے تکنیکی طور پر کام کرنا اور منریگا سے متعلق دیگر عہدیداروں کے کاموں میں بھی اتعاون کرنا ہے۔ مذکورہ ملازمین کے مطابق وہ اپنے فرائض کو بخوبی انجام دیتے آئے ہیں تاہم جو تنخواہیں انہیں ملتی ہیں وہ ناکافی اور نا مناسب ہیں۔ ملازمین نے ایل جی انتظامیہ سے درخواست کی ہے کہ وہ اس معاملے میں مداخلت کرکے ان کے مسئلے کو جلد از جلد حل کریں تاکہ انہیں مزید پریشانیوں کا سامنا کرنا نہیں پڑے۔
