Mortar Shell Recovered in Kupwara کپواڑہ کے بھٹہ پورہ میں مارٹر شیل برآمد

کپواڑہ میں پیر کی صبح بی ایس ایف کی ٹیم نے سڑک کے کنارے سے ایک مشتبہ چیز برآمد کی۔ ابتدائی تحقیقات سے معلوم ہوا کہ یہ آئی ای ڈی ہو سکتا ہے لیکن تفتیش میں پرانا مارٹر شیل نکلا۔ Mortar Shell Recovered in Batapora

سری نگر: بارڈر سکیورٹی فورسرز (بی ایس ایف) نے سرحدی ضلع کپوارہ کے ہندواڑہ علاقے میں پیر کی صبح ایک آئی ای ڈی بر آمد کی۔ سرکاری ذرائع نے بتایا کہ بی ایس ایف کی ایک روڈ اوپنگ پارٹی نے ہندوارہ کے بھٹہ پورہ گاؤں میں پیر کی صبح قریب پونے آٹھ بجے ایک پل کے نزدیک ایک آئی ای ڈی کا پتہ لگایا۔ انہوں نے کہا کہ اس آئی ای ڈی کو ناکارہ بنانے کے لئے بم ناکارہ بنانے والی ٹیم کو طلب کیا گیا ہے۔ پولیس افسر نے بتایا کہ بی ایس ایف کی ایک روڈ اوپننگ پارٹی نے بھٹہ پورہ گاؤں میں ایک پل کے قریب ایک مشکوک چیز کی برآمدگی کی اطلاع دی تھی۔

واضح رہے کہ مارچ 2023 میں وسطی کشمیر کے ضلع بڈگام میں بم ڈسپوزل اسکواڈ نے ایک زنگ آلود زندہ مارٹر شیل کو تباہ کردیا تھا۔ کھاگ علاقے کے لاسی پورہ کے جنگلاتی علاقے میں مقامی چرواہوں نے اچانک ایک زنگ آلودہ زندہ مارٹر شیل دیکھا جس کے بعد انہوں نے فورا اس کی خبر نزدیکی پولیس اسٹیشن کو دی۔ اس زندہ مارٹر شیل کی بازیابی کے کچھ دیر بعد، پولیس اسٹیشن کھاگ نے بم ڈسپوزل اسکواڈ کو اس کی اطلاع دی اور جس نے بغیر کسی تاخیر کئے موقع پر پہنچ کر بنا کسی جانی یا مالی نقصان کے شیل کو تباہ کردیا۔

یو این آئی