کپوارہ (جموں کشمیر): شمالی کشمیر کے کپوارہ ضلع میں لائن آف کنٹرول (ایل او سی) پر حفاظتی اہلکاروں نے دراندازی کی ایک کوشش کو ناکام بنانے کا دعویٰ کیا ہے۔ فوجی ترجمان کے مطابق ضلع کے مچھل سیکٹر میں ایل او سی پر مستعد فوجیوں نے دراندازی کی کوشش کو ناکام بنا دیا ہے جب کہ اس آپریشن میں پانچ دراندازوں کو ہلاک کر دیا گیا ہے، تاہم ابھی تک ان کی شناخت ظاہر نہیں کی گئی ہے۔ جموں کشمیر پولیس نے ہلاکتوں کی تصدیق سماجی رابطہ گاہ ایکس پر کی ہے۔
-
#KupwaraEncounterUpdate: Three (03) more #terrorists of LeT killed (Total 05). Identification being ascertained. Search #operation in progress. Further details shall follow: ADGP Kashmir@JmuKmrPolice https://t.co/qOMWE0M3uh
— Kashmir Zone Police (@KashmirPolice) October 26, 2023 " class="align-text-top noRightClick twitterSection" data="
">#KupwaraEncounterUpdate: Three (03) more #terrorists of LeT killed (Total 05). Identification being ascertained. Search #operation in progress. Further details shall follow: ADGP Kashmir@JmuKmrPolice https://t.co/qOMWE0M3uh
— Kashmir Zone Police (@KashmirPolice) October 26, 2023#KupwaraEncounterUpdate: Three (03) more #terrorists of LeT killed (Total 05). Identification being ascertained. Search #operation in progress. Further details shall follow: ADGP Kashmir@JmuKmrPolice https://t.co/qOMWE0M3uh
— Kashmir Zone Police (@KashmirPolice) October 26, 2023
فوج کا کہنا ہے کہ علاقے میں ابھی بھی آپریشن جاری ہے اور علاقے کو محاصرے میں لیکر تلاشی کارروائی انجام دی جا رہی ہے۔ واضح رہے کہ کپوارہ ضلع میں رواں برس متعدد دراندازی کی کوششوں کو ناکام بنا دیا گیا۔ سرحد کے اُس پار وادی کشمیر میں داخل ہونے والے درجن سے زائد عسکریت پسندوں کو اب تک ہلاک کیا گیا ہے۔ تاہم اس کے علاوہ لائن آف کنٹرول سمیت صوبہ جموں میں بین الاقوامی سرحد پر ڈرونز کو بھی گرایا گیا ہے۔
مزید پڑھیں: Kupwara Encounter کپواڑہ تصادم میں پانچ غیر ملکی عسکریت پسند ہلاک
فوج اور پولیس کی جانب سے دراندازی کو روکنے کے لیے کوششیں بدستور جاری ہیں۔ سیکورٹی ایجنسیز کا ماننا ہے کہ ایل او سی سمیت بین الاقوامی سرحد پر دراندازوں کے علاوہ اب ڈرونز کے ذریعے سے بھی جموں و کشمیر میں منشیات اور ہتھیار پہنچانے کی کوششیں کی جا رہی ہیں جن میں سے بیشتر کو حفاظتی ایجنسیز کی جانب سے ناکام بنا دیا جاتا ہے۔ جموں و کشمیر پولیس سربراہ دلباغ سنگھ نے حالیہ دنوں میڈیا نمائندوں کے ساتھ بات کرتے ہوئے کہا تھا کہ جموں و کشمیر میں عسکریت پسندی آخری سانسیں لے رہی ہے تاہم سرحد پار سے عسکریت پسندی کو فروغ دینے اور یہاں کے نوجوانوں کو منشیات کا عادی بنانے کے لیے ہتھیار اور منشیات کو دراندازوں، ڈرونز کے ذریعے یہاں بھیجا جاتا ہے۔ انہوں نے کہا تھاکہ اس پورے نیٹ ورک پر بھی نظریں مرکوز کی جا رہی ہیں اور دراندازی سمیت نارکو ٹیررزم کو بھی ناکام بنانے کے لیے ہر ممکن کوشش کی جا رہی ہے۔
