جنوبی کشمیر کے کولگام ضلع میں نائک پورہ سے تعلق رکھنے والے باشندوں نے محکمۂ جل شکتی کے دفتر کے سامنے احتجاج کیا جس کے سبب کئی گھنٹوں تک ٹریفک کی نقل و حمل متاثر رہی۔
شوپیان - کولگام روڈ پر احتجاج کر رہے لوگوں نے الزام عائد کرتے ہوئے کہا کہ 'ان کے علاقے میں کئی مہینوں سے پینے کے پانی کی شدید قلت ہے، جس کے سبب انہیں دقتوں کا سامنا کرنا پڑتا ہے۔'
انہوں نے مزید کہا کہ 'اس ضمن میں انہوں نے متعلقہ دفتر کے کئی چکر کاٹنے کے علاوہ ڈی سی کولگام سے بھی رابطہ قائم کیا۔ تاہم ان کے علاقے میں پانی بحال نہیں کیا گیا جس کے بعد وہ سڑک پر احتجاج کرنے پر مجبور ہو گئے۔'
ادھر محکمۂ جل شکتی کے جونیئر انجینئر نے دعویٰ کیا کہ پائپ کی مرمت کے سبب صرف دو دنوں سے مذکورہ علاقے میں پانی کی سپلائی متاثر ہے، تاہم انہوں نے یقین دہانی کرائی کہ شام تک پانی کی سپلائی بحال کر دی جائے گی۔
