Dilbagh Singh ON online Threat دھمکیاں دینے والے بلاگز ویب سائٹس کے خلاف سخت کارروائی کی جا رہی ہے، ڈی جی پی

جموں و کشمیر پولیس کے سربراہ دلباغ سنگھ نے کہا کہ جموں و کشمیر میں اس برس 56 غیر ملکی عسکریت پسند ہلاک کیے گئے ہیں جو کہ گزشتہ چند برسوں میں سب سے زیادہ تعداد ہے۔ انہوں نے کہا کہ جموں و کشمیر میں عسکریت پسندی آخری سانس لے رہی ہے۔Millitants Killed In 2022

جموں: جموں و کشمیر کے ڈائریکٹر جنرل آف پولیس دلباغ سنگھ نے کہا ہے کہ لوگوں کو عسکریت پسند تنظیموں کی طرف سے دی جانے والی دھمکیوں سے ڈرنے کی ضرورت نہیں ہے اور جو لوگ ایسی دھمکیاں دے رہے ہیں انہیں جلد ہی پکڑا جائے گا۔Online threat In kashmir
ڈی جی پی کے مطابق پاکستانی ایجنسی آئی ایس آئی عسکریت پسندوں کو زندہ رکھنے کے لیے سوشل میڈیا کے ذریعے ایسی دھمکیاں جاری کرنے میں مصروف ہے۔ جموں و کشمیر کے ڈی جی پی کا یہ بیان عسکریت پسند تنظیم 'کشمیر فائٹر 'کی جانب سے سوشل میڈیا کے ذریعے ایک بار پھر غیر مقامی لوگوں کو نشانہ بنانے کی دھمکی کے بعد سامنے آیا ہے۔

ڈی جی پی نے کہا ہے کہ جموں و کشمیر میں عسکریت پسندی ختم ہو رہی ہے اور ایسے کام کرنے والوں کے خلاف کارروائی کی جا رہی ہے جو سوشل میڈیا کا استعمال کرکے لوگوں کو دھمکیاں دے رہے ہے۔انہوں نے کہا کہ بہت سی بلاگنگ سائٹس کے خلاف ایف آئی آر درج کی گئی ہے جنہوں نے سوشل میڈیا پر اس طرح کی دھمکیاں وائرل کی ہیں۔ ڈی جی پی نے بتایا کہ سرحد پار لانچ پیڈ پر بہت سے عسکریت پسند موجود ہیں اور دراندازی کی کوششیں بھی کی جا رہی ہیں جنہیں سکیورٹی فورسز ناکام بنا رہی ہیں۔ جو چند درانداز یہاں داخل ہونے میں کامیاب ہوتے ہیں وہ بھی سکیورٹی فورسز کی مختلف کارروائیوں میں ہلاک کیے گئے ہیں۔Pok Launch Pad

ڈی جی پی نے عسکریت پسند کے خاتمے کے بارے میں یہ بتایا کہ اس سال وادی میں 56 غیر ملکی عسکریت پسند ہلاک کیے گئے ہیں جو کہ گزشتہ چند برسوں میں سب سے زیادہ تعداد ہے۔Militants killed In 2022

انہوں نے کہا کہ اس برس کشمیر میں نئے عسکریت پسندوں کی تعداد 109 تھی جن میں سے 86 عسکریت پسندوں کو ہلاک کیا گیا ہیں اور صرف 23 عسکریت پسند باقی موجود ہیں جن کا بھی جلد خاتمہ کر دیا جائے گا۔Foreign Militants Killed In 2022