جموں: صوبہ جموں میں لگاتار بارش کے سبب جہاں درجہ حرارت میں کمی واقع ہوئی ہے وہیں سرینگر جموں قومی شاہراہ پر ضلع رامبن میں مختلف مقامات پر مٹی کے تودے گر آنے سے 270 کلومیٹر طویل شاہراہ کو آمد و رفت کے لئے بند کر دیا گیا ہے۔ Srinagar Jammu Highway Closed محکمہ موسمیات نے جمعرات کو آئندہ 24 گھنٹوں کے دوران جموں و کشمیر کے بیشتر علاقوں میں ہلکی سے درمیانہ درجے کی بارش کی پیشگوئی کی ہے۔
محکمہ موسمیات کے ایک اہلکار نے بتایا کہ اگلے 24 گھنٹوں کے دوران جموں و کشمیر کے کئی مقامات پر ہلکی سے درمیانی بارش کا امکان ہے۔ Rains Lash Jammuجمعرات کی صبح 7 بجے سے صوبہ جموں میں ہلکی سے درمیانہ درجے کی بارشوں کا سلسلہ جاری ہے۔ لگاتار اور تیز بارشوں کے سبب جموں کے کئی علاقوں میں سڑکیں زیر آب آ گئی ہیں جس سے راہگیروں، ٹرانسپورٹرز کو سخت مشکلات کا سامنا کرنا پڑ رہا ہے۔ موسم میں تبدیلی کے سبب درجہ حرارت میں بھی کافی کمی واقع ہوئی ہے۔
