پولیس کے اعلیٰ حکام نے بتایا کہ الٹو کار جو کہ وانگت سے کنگن آرہی تھی کہ برن بگ کے مقام پر گہری کھائی میں گرگئی جس کے نتیجے میں اس میں سوار چار افراد زخمی ہوگئے۔
زخمی ہونے والے افراد کی شناخت فردوس احمد میر ولد غلام محمد، عارف احمد ولد ارشاد احمد میر، دانش احمد میر ولد منظور احمد اور ظہور احمد رینہ ولد غلام حسن وانگت کنگن کے طور پر بتائی جارہی ہے۔
کنگن کے علاقہ برن بگ حادثے میں چار افراد زخمی
زخمیوں کو مقامی لوگوں کی مدد سے فوری طور پر ٹراما ہسپتال کنگن منتقل کیا گیا جہاں سے ابتدائی علاج و معالجہ کے بعد زخمیوں کو مزید علاج کے لئے میڈیکل انسٹی ٹیوٹ صورہ منتقل کر دیا گیا ہے۔ ادھر پولیس نے واقعے کا نوٹس لے کر کیس درج کر کے تفتیش شروع کردی ہے۔
