جموں و کشمیر کے وسطی ضلع گاندربل کے کلن علاقہ کے جنگلات میں بادل پھٹنے کے باعث سونامرگ شاہراہ اور رہائشی مکانات زیر آب آ گئے ہیں۔
گاندربل: بادل پھٹنے سے سیلابی صورتحال
سرکاری ذرائع کے مطابق اتوار کے دوپہر بادل پھٹنے سے ضلع کے کلن کے دیہات میں سیلابی صورتحال پیدا ہو گئی۔ سڑکیں ندی نالوں میں تبدیل ہو گئیں اور رہائشی مکانوں میں پانی داخل ہونے سے مقامی باشندوں میں خوف طاری ہو گیا۔
عمارتوں کے علاوہ پانی کے تیز بہاؤ سے فصلوں کو بھی شدید نقصان پہنچا ہے۔
آخری اطلاعات ملنے تک بچاؤ کاروائی جاری تھی تاہم کسی بھی جانی نقصان کی کوئی اطلاع نہیں ہے۔
یہ بھی پڑھیں: گاندربل: سیاحت ٹھپ، مقامی افراد مشکلات سے دوچار
خیال رہے کہ سال 2015 میں اسی علاقے میں بادل پھٹنے سے سیلابی صورتحال پيدا ہوئی تھی جس کے باعث چار لوگوں کی موت اور کروڑوں روپے کا نقصاں ہوا تھا۔
