ضلع ڈوڈہ کے قصبہ ٹھاٹھری میں آتشزدگی، تین منزلہ مکان خاکستر

پہاڑی ضلع ڈوڈہ کے ٹھاٹھری قصبہ میں آتشزدگی کے دوران ایک تین منزلہ عمارت خاکستر ہو گئی تاہم واردات میں کوئی جانی نقصان نہیں ہوا۔

ڈوڈہ ضلع کے قصبہ ٹھاٹھری میں ایک تین منزلہ رہائشی مکان سے اچانک آگ نمودار ہوئی جس نے آنا فاناً پوری عمارت کو اپنی زد میں لے لیا۔

مقامی رضاکاروں اور فائر ٹینڈرز نے آگ کو مزید پھیلنے سے روک دیا تاہم آگ کے سبب عمارت اور اس میں موجود املاک راکھ کے ڈھیر میں تبدیل ہو گئے۔

آفیشلز کے مطابق موہن سنگھ ولد گوری لال کے رہائشی مکان میں آگ کے سبب مکان خاکستر ہو گیا تاہم آگ کے سبب کوئی جانی نقصان نہیں ہوا۔

آگ لگنے کی وجوہات فوری طور پر معلوم نہ ہو سکیں۔