Muslim Teacher Awarded ریحانہ عمر مثالی استاد ایوارڈ سے سرفراز

کیجریوال حکومت کی جانب سے تیاگراج اسٹیڈیم میں یوم اساتذہ کے موقع پر ایک بڑی تقریب کا انعقاد کیا، اس تقریب میں 118 اساتذہ کو تعلیم کے میدان میں ان کی طرف سے کیے گئے بے مثال کام کے لیے اسٹیٹ ٹیچر ایوارڈ سے نوازا گیا۔Muslim Teacher Awarded

نئی دہلی: قومی دارالحکومت دہلی کی کیجریوال حکومت کی جانب سے تیاگراج اسٹیڈیم میں یوم اساتذہ کے موقع پر تقریب کا انعقاد کیا گیا۔ اس تقریب میں 118 اساتذہ کو تعلیم کے میدان میں بہتر خدمات اور بے مثال کام کے لئے اسٹیٹ ٹیچر ایوارڈ سے نوازا گیا۔Muslim Teacher Awarded From State Govt On Teachers Day

اس موقع پر دہلی کے نائب وزیر اعلی منیش سسودیا سمیت ایجوکیشن سکریٹری اشوک کمار، ایجوکیشن ڈائریکٹر ہمانشو گپتا، ایڈیشنل ڈائریکٹر ایجوکیشن نندنی مہاراج، پرنسپل ایجوکیشن ایڈوائزر شیلندر شرما اور محکمہ تعلیم کے دیگر اعلیٰ افسران کی موجودگی میں اساتذہ کو اعزاز سے نوازا گیا۔دہلی میں ابھی تقریبا 60 ہزار اساتذہ سرکاری اسکولوں میں اپنی خدمات انجام دے رہے ہیں جن میں سے 118 اساتذہ کا انتخاب کیا گیا ہے۔ ای ٹی وی بھارت نے پرانی دہلی گورنمنٹ گرلز سینیئر سیکنڈری اسکول بیلا روڈ کی وائس پرنسپل ریحانہ عمر سے بات جنہیں دہلی حکومت کی جانب سے اعزاز سے نوازا گیا ہے۔ریحانہ عمر نے ای ٹی وی بھارت کو بتایا کہ 'جب آپ کے کام کو سراہا جاتا ہے تو کافی خوشی ہوتی ہے۔ انہوں نے بتایا کہ اس ایوارڈ کے لیے انہوں نے آخری وقت میں اپنا رجسٹریشن کرایا تھا جس کے بعد ان کا نام منتخب کیا گیا۔

ان کا کہنا تھا کہ اس ایوارڈ کے لئے مختلف ضابطوں کی بنیاد پر ہر سال اساتذہ کا انتخاب کیا جاتا ہے۔ ابھی دہلی کئ سرکاری اسکولوں میں تقریبا 44 لاکھ بچے تعلیم حاصل کر رہے ہیں جن کے مستقبل کو سنوارنے کا کام یہ اساتذہ کر رہے ہیں۔

واضح رہے کہ دہلی حکومت ہر سال یوم اساتذہ کے موقع پر اساتذہ کو ریاستی ٹیچر ایوارڈ سے نوازتی ہے اور ایک شاندار تقریب کے ذریعے ان کا شکریہ ادا کرتی ہے۔ رواں برس ایوارڈ یافتہ اساتذہ کی تعداد 118 ہے