سرینگر ایئرپورٹ سے گذشتہ ماہ مارچ میں پہلی بار رات کے اوقات میں پروازوں کا سلسلہ شروع ہوا تھا۔ یہ پہلی مرتبہ ہے جب سرینگر ہوائی اڈے سے سورج غروب ہونے کے بعد بھی پروازیں جاری ہیں۔ اگست 2018 میں سرینگر ایئرپورٹ پر نائت فلائٹس چلانے کی ٹیسٹنگ ہوئی تھی اور اس کے بعد ایئرپورٹ انتظامیہ نے پروازوں کا سلسلہ شروع کیا۔
آخر کار گذشتہ ماہ کی انیس تاریخ کو پہلی مرتبہ سرینگر ایئرپورٹ سے رات کے اوقات میں پروازوں کا سلسلہ شروع ہوا۔ سرینگر ایئرپورٹ کے ڈائریکٹر سنتوش ڈھوکے نے کہا کہ ابھی رات کے اوقات میں چار پروازیں چل رہیں ہیں اور آنے والے وقت میں مزید پروازوں کو بھی رات کے اوقات میں چلایا جائے گا۔
خیال رہے کہ سرینگر ایئرپورٹ سے موجودہ وقت میں رات کے دوران کولکتہ، دہلی، احمد آباد اور بنگلور تک پروازیں براہ راست جاتی ہیں۔ ڈائریکٹر ایئرپورٹ نے کہا کہ مہاراشٹر اور پونے اور دیگر شہروں کو بھی جوڑنے کا عمل جاری ہے۔ بہت جلد ان شہروں کی جانب سے ایئرپورٹ سے پروازیں شروع ہوں گی، تاکہ یہاں کی سیاحتی شعبے کو فروغ ملے اور لوگوں کو بھی فائدہ ہو۔
یہ بھی پڑھیں: سرینگر میں مزید دو علاقے مائکرو کنٹینمنٹ زون کے زمرے میں شامل
خیال رہے اس سے قبل سرینگر ایئرپورٹ پر آخری پرواز شام پانچ بج کر پندرہ منٹ پر لینڈ کرتی تھی اور پانچ بج کر پینتالیس منٹ پر یہاں سے آخری پرواز اڑان بھرتی تھی، لیکن اب دس بجے تک اس ایئرپورٹ پر پروازوں کا سلسلہ جاری رہے گا۔
