بڈگام : جمعہ کے روز امرناتھ گُپھا کے نزدیک بادل پھٹنے ست 17 یاتری ہلاک ہوئے ہیں جب کہ سینکڑوں یاتریوں کو بھارتیہ فضائیہ نے محفوظ مقامات پر منتقل کیا۔ اس سانحہ کے بعد دو راز تک امرناتھ یاترا معظل رہی جب کہ آج انتظامیہ نے یاترا کو نن ونن بیس کیمپ سے امرناتھ گُپھا سے روانہ کیا جب کہ بالتل بیس کیمپ سے امرناتھ یاترا ابھی بحال نہیں ہوئی۔ Amarnath Yatra Mishap 2022
وہیں بھارتی فضائیہ کے ایئر کموڈور پنکج متل نے آج پریس کانفرنس کے دوران ریسکیو آپریشن کے بارے میں تفصیلات بتاتے ہوئے کہا کہ گُپھا کے پاس چلائے جارہے ریسکیو آپریشن کا بڑا حصہ مکمل کر لیا گیا۔ انہوں نے کہا کہ آئی اے ایف کے ذریعہ کیے گئے ریسکیو مشن کے دوران ایم آئی-17، چیتا اور دیگر ہیلی کاپٹروں کی خدمات لی گئیں۔ Pankaj Mittal IAF Officer on Rescue Operation
انہوں نے کہا کہ آئی اے ایف نے امرناتھ سانحہ میں ریسکیو آپریشن کے دوران 112 مشن انجام دیے جن میں 130 افراد کو سرینگر منتقل کیا گیا۔ انہوں نے کہا کہ ان افراد میں 123 یاتری زخمی ہوئے جب کہ 17 ہلاکتیں ہوئیں۔ موصوف فضائیہ افسر نے کہا کہ بھارتہ فضائیہ نے 29 ٹن لوڈ جس میں آلات، این ڈی آر ایف ریسکیو ٹیمیں، انجینئرز، ڈاگ اسکواڈ کو جائے حادثہ پر پہنچایا۔
ایئر کموڈور پنکج متل نے کہا کہ اس اپریشن کو جموں و کشمیر پولیس ، بی ایس ایف ، آئی ٹی بی پی، این ڈی آر ایف اور ایس ڈی آر ایف کی تال میل سے چلایا گیا ہیں۔ انہوں نے کہا کہ گُپھا کے نزدیک محدود ائیر اسپیس ہونے کی وجہ سے بڑے پیمانے پر ریسکیو مشن چلانا مشکل تھا لیکن آئی اے ایف نے تمام چیزوں کا انتظام کیا اور ریسکیو مشن کو کامیابی سے انجام دیا۔ انہوں نے مزید کہا کہ سانحہ ہونے کے بعد ابتدائی آپریشن بہت مشکل تھا کیونکہ علاقہ میں موسمی صورتحال سے آپریشن میں بہت سی رکاوٹیں آرہی تھیں۔
مزید پڑھیں:
واضح رہے کہ سطح سمندر سے 13000 فٹ کی بلندی پر واقع ایک پہاڑی غار میں گرما کے دوران بننے والی ایک برفانی شبیہ کو شیولنگ کے ساتھ منسوب کیا جاتا ہے جس کی ہندو عقیدت مند پوجا کرتے ہیں۔ امرناتھ یاتریوں کے لیے اس سال آن لائن ہیلی کاپٹر بکنگ سروس بھی شروع کی گئی ہے۔ 43 دنوں تک جاری رہنے والی یاترا کے لیے تاحال سوا تین لاکھ سے زیادہ یاتریوں نے اپنا رجسٹریشن کروایا ہے اور انتظامی مشینری کی جانب سے بھی یاتریوں کی حفاظت اور قیام و طعام کے خاطر خواہ انتظامات کیے گئے ہیں۔
