شمالی کشمیر کے ضلع بارہمولہ کے سوپور ایگریکلچر یونیورسٹی واڈورہ کیمپس میں گندم کے خاص اقسام کی کٹائی کی گئی ہے۔
سوپور ایگریکلچر یونیورسٹی میں خصوصی گندم کی کٹائی
اس موقع پر ای ٹی وی بھارت کے ساتھ بات کرتے ہوئے یونیورسٹی کے پروفیسر عبدالحمید نے کہا کہ یہ خاص قسم کا گندم ہے اور اس سے ہمارے کسانوں کو کافی زیادہ فائدہ ملے گا اور کسان اس سے سال میں دو بار فصل اگا سکتے ہیں، کیونکہ جون میں پنیری لگانے کا موسم ہوتا ہے۔
انہوں نے کہا کہ ہم نے اس گندم کو نومبر میں بویا تھا اور اب جون میں ہم اس کی کٹائی کی اور اب ہم اسی زمین میں دھان کی فصل لگا سکتے ہیں۔ اس طرح ہمارے کسانوں کی آمدنی میں اضافہ ہو سکتا ہے اور وہ اس کا فائدہ اٹھا سکتے ہیں۔
