بارہمولہ: جموں و کشمیر کا کہنا ہے کہ فوج اور جموں و کشمیر پولیس کی ایک مشترکہ ٹیم نے ضلع بارہمولہ کے چنڈ علاقے میں مشترکہ طور کارروائی کرتے ہوئے ناکہ چیکنگ کے دوران ایک ٹپر گاڑی کو روک کر اسکی تلاشی لی۔ بارہمولہ پولیس کا کہنا ہے کہ تلاشی کے دوران 800 گرام ہیروئن ضبط کرنے کے علاوہ عسکریت پسندوں کے دو معاونین کو بھی گرفتار کر لیا گیا۔ Two OGWs Arrested in Baramulla
بارہمولہ پولیس کا کہنا ہے کہ گرفتار کیے گئے عسکریت پسندوں کے معاونین کی تحویل سے اسلحہ بھی برآمد کر لیا گیا ہے۔ پولیس نے گرفتار کیے گئے افراد کی شناخت نثار احمد خان ساکن کھنموہ، رفیع آباد، بارہمولہ اور محمد رفیق خان ساکن، ٹنگڈار کپوارہ کے طور پر کی ہے۔ Inter District Terror Module Busted in Baramulla
حراست میں لیے گئے دونوں افراد کا تعلق ممنوعہ عسکریت پسند تنظیم لشکر طیبہ سے بتایا جا رہا ہے۔ اس ضمن میں ان دونوں کے خلاف این ڈی پی ایس اور یو اے پی اے ایکٹ کے تحت بارہمولہ پولیس چوکی میں کیس درج کر کے مزید تفتیش شروع کر دی گئی ہے۔
- مزید پڑھیں: کپواڑہ میں عسکریت پسندوں کے چھ معاون گرفتار
