بجبہاڑہ میں میں محکمہ جل شکتی میں کام کر رہے عارضی ملازمین کی جانب سے احتجاج میں شامل عارضی ملازمین نے اپنے مطالبات کو لیکر نعرہ بازی کی۔ مظاہرین کا کہنا تھا کہ وہ کئی سال سے مذکورہ محکمہ میں کام کر رہے ہیں۔ تاہم آج تک ان کے مسائل جوں کے توں بنے ہوئے ہیں۔
مظاہرین کا کہنا تھا کہ وہ کافی عرصے سے محکمہ میں اپنی ذمہ داریاں انجام دے رہے ہیں، لیکن آج تک اُن کی ملازمت کو مستقل نہیں کیا گیا۔
ان کا مزید کہنا تھا کہ انہیں قلیل تنخواہیں واگزار کی جاتی ہیں جس سے اُن کا گزر بسر نہیں ہو پاتا، کبھی کبھار حالات ایسے بھی بن جاتے ہیں کہ اُن کے اہل خانہ فاکہ کشی کرنے پر مجبور ہو جاتے ہیں۔
اس موقع پر احتجاجی مظاہرین (Minimum Wages Act)کو نافذ کرنے کا مطالبہ کر رہے تھے۔ احتجاجیوں کا کہنا تھا کہ محکمہ میں کچھ ایسے شخص بھی کام کر رہے ہیں جن کی عمر کی حد گذر چکی ہے لیکن آج تک وہ اسی امید میں ہیں کہ کب انہیں بھی مستقل کیا جائے۔
انہوں نے کہا کہ کیجوئل لیبر مذکورہ محکمہ میں دن رات ایک کر کے اپنا پسینہ بہاتے ہیں تاہم سرکار نے انہیں نظر انداز کیا ہے۔ احتجاجیوں نے گورنر انتظامیہ سے مطالبہ کیا ہے کہ اُن کی ملازمت کو جلد از جلد مستقل کیا جائے تاکہ یہ اپنے اہل خانہ کو دو وقت کی روٹی مہیا کرا پائیں۔
