جموں و کشمیر کے ضلع اننت ناگ کے علاقے سری گوفوارہ میں سکیورٹی فورسز اور عسکریت پسندوں کے درمیان تصادم میں دوعسکریت پسندوں کو ہلاک کردیا گیا ہے۔
اطلاعات کے مطابق عسکریت پسندوں کے چھپے ہونے کی اطلاع کے بعد سکیورٹی فورسز نے گوفواڑہ علاقے میں سرچ آپریش شروع کیا، اس دوران چھپے ہوئے عسکریت پسندوں کی جانب سے سکیورٹی فورسز پر فائرنگ شروع کر دی جس کے بعد فورسز نے مورچہ سنبھال لیا اور تصادم شروع ہوگیا۔
واضح ہو کہ سکیورٹی فورسز نے گوفواڑہ علاقے کو محاصرے میں لے کر پورے علاقے کو سیل کر دیا ہے۔
فائرنگ کے دوران ایک مقامی خاتون کے زخمی ہونے کی اطلاع موصول ہوئی ہے جسے ہسپتال روانہ کیا گیا ہے۔
اس آپریشن میں تین آر آر، سی آر پی ایف اور جے کے پولیس مشترکہ طور پر شامل ہے۔
ہلاک شدہ ایک عسکریت پسند کی شناخت اننت ضلع کے ساکنا، بھوگام کے باشندہ زاہد کھانڈے کے طور پر ہوئی ہے جبکہ دوسرے کا نام عثمان بتایا گیا ہے حالانکہ عثمان کا تعلق کس علاقے سے ہی سکیورٹی فورسز نے ابھی واضح نہیں کیا ہے۔
