Takya Maqsood Shah Cricket Ground: کرکٹ کے میدان میں باڑ لگانے کا مطالبہ

بجبہاڑہ کے تکیہ مقصود شاہ کرکٹ میدان میں باڑ نہیں لگنے سے یہاں کے کرکٹ کھیلنے والوں کو پریشانیوں کا سامنا کرنا پڑتا ہے۔ مقامی نوجوانوں نے انتظامیہ سے میدان کی دیکھ بھال کرنے اور باڑ لگانے کا مطالبہ کیا ہے Takiya Maqsood Shah Cricket Ground۔

اننت ناگ: جنوبی کشمیر کے نوجوانوں نے کھیل کی دنیا میں نمایاں کارکردگی کا مظاہرہ پیش کیا ہے۔ ضلع اننت ناگ کے بجبہاڑہ علاقے کے نوجوانوں نے خاص طور پر کرکٹ کے میدان میں قابل رشک کارکردگی کا مظاہرہ کیا ہے۔

مشہور کرکٹر پرویز رسول نے آئی پی ایل اور انڈین کرکٹ ٹیم میں جگہ بنانے کے بعد یوں تو وادی کشمیر کے نوجوانوں میں کھیل کود کی سرگرمیوں کو لے کر اچھی خاصی دلچسپی دکھائی ہے۔

وہیں اگر بات کی جائے قصبہ بجبہاڑہ کے تکیہ مقصود شاہ نام کے علاقہ کی، مذکورہ علاقہ میں صدیوں سے ایک کرکٹ گراونڈ قائم ہے، جس میں نہ صرف مقامی نوجوان بلکہ آس پاس کے دیگر علاقوں کے لڑکے مذکورہ میدان میں کھیل کود کی سرگرمیوں کے لئے آتے ہیں، لیکن نوجوانوں کی شکایت ہے کہ اس گراونڈ کو انتظامیہ کی جانب سے ہمیشہ نظر انداز کیا گیا Takya Maqsood Shah Cricket Ground Bijbehara Anantnag۔

تکیہ مقصود شاہ کرکٹ میدان۔۔۔

مقامی نوجوانوں کےمطابق کرکٹ گراونڈ پر فیسنگ کرانا ان کی دیرینا مانگ رہی ہے، جبکہ گذشتہ کئی دہائیوں سے وہ گراونڈ کی دیوار بندی اور لیولنگ کی مانگ کو لیکر مختلف محکموں کے چکر لگا رہے ہیں۔ تاہم آج تک مزکورہ گراونڈ پر کسی بھی طرح کی تعمیراتی کام عمل میں نہیں لایا گیا ہے۔

مقامی نوجوانوں کا الزام ہیں کہ قصبہ بجبہاڑہ میں یہ ایک واحد میدان ہے، جسے ہر لحاظ سے نظر انداز کیا گیا ہے۔

انہوں نے مزید کہا کہ سرکار ہمیشہ تعمیر و ترقی کے بلند بانگ دعوئے کر رہی ہے، لیکن وہ دعوئے زمینی سطح پر کھوکھلے نظر آرہے ہیں، کیونکہ آج تک مزکورہ گروانڈ پر ایک روپے کا بھی تعمیراتی کام نہیں ہوا ہے۔

ای ٹی وی بھارت کے نمائدے نے جب یہ مسلہ محکمہ دیہی ترقی کے بلاک ڈیولپمنٹ آفیسر طلعت پرویز سے بات کی تو انہوں نے کیمرے کے سامنے آنے سے انکار کرتے ہوئے کہا کہ مذکورہ علاقے کے نوجوان بی ڈی آفس میں عرضی ارسال کریں، اس کے بعد ہی محکمے کی جانب سے کوئی خاطرخواہ قدم اٹھایا جائے گا۔