حال ہی میں ختم ہونے والے کیریبین پریمیر لیگ میں ٹرینباگو نائٹ رائیڈرز کی خطابی جیت کا حصہ رہنے کے بعد ویسٹ انڈیز کے کھلاڑی براوو آئی پی ایل میں شرکت کے لیے متحدہ عرب امارات پہنچے تھے۔ لیکن وہ ممبئی انڈینز کے خلاف افتتاحی میچ کا حصہ نہیں بن سکے۔
ممبئی انڈینز کے خلاف پہلے میچ میں چینئی سُپر کنگز کی جیت کے بعد کوچ اسٹیفن فلیمنگ نے کہا کہ 'ڈوین انجری کی وجہ سے پہلے دو میچوں کا حصہ نہیں بن پائیں گے۔
فلیمنگ نے سیم کیرن کی آل راؤنڈر کارکردگی کی بھی تعریف کی۔ سیم نے میچ میں 28 رن دے کر ایک وکٹ حاصل کی اور 6 گیندوں پر 18 رنز بنا کر چنئی کی فتح میں کلیدی کردار ادا کیا۔
انہوں نے کہا کہ سیم کی کارکردگی کافی تسلی بخش اور عمدہ تھی۔ انہوں نے ڈوین براوو کی جگہ ملنے کے موقع کا فائدہ اٹھایا اور بہترین کارکردگی کا مظاہرہ کیا اور دباؤ میں اچھا کھیلا۔
