بھارت کی قومی کرکٹ ٹیم میں جموں و کشمیر کے تیز گیندباز عمران ملک Umran Malik کو منتخب کیے جانے پر عمران ملک کے والد نے کہا کہ میں ملک کا شکر گزار ہوں کہ انہوں نے اتنی محبت دی۔ یہ سب اس کی محنت کا نتیجہ ہے۔ ملک کا سر فخر سے بلند کریں گے۔ جموں کے گوجر نگر علاقہ میں عمران ملک کے اہل خانہ اور دوست جنوبی افریقہ کے خلاف ٹی ٹوئنٹی سیریز کے لیے ہندوستان کی ٹیم میں منتخب کیے جانے پر جشن منا رہے ہیں اور ایک دوسرے کو میٹھائیاں کھلا کر مبارک باد دے رہے ہیں۔Celebration in Village of Umran Malik
وہیں دوسری جانب جموں و کشمیر کے سابق وزیراعلیٰ عمرعبداللہ نے ٹویٹ کرکے عمران ملک کو مبارک باد دی ہے اور انھوں نے ٹویٹ کیا ہے کہ شاباش عمران ملک۔ ہم پروٹیز کے خلاف آئندہ ٹی ٹوئنٹی سیریز کو بہت گہری نظر سے دیکھیں گے۔
اس کے علاوہ جموں و کشمیر کے ایل جی منوج سنہا کے دفتر سے بھی ٹویٹ کرکے عمران کو مبارک بادی پیش کی گئی ہے، ایل جی کے دفتر نے ٹویٹ کیا کہ جنوبی افریقہ کے خلاف ٹی 20 سیریز کے لیے ٹیم انڈیا میں منتخب ہونے پر عمران ملک کو دل کی گہرائیوں سے مبارکباد۔ یہ جموں کشمیر کے لیے قابل فخر لمحہ ہے۔ شاباش اور نیک خواہشات۔
خیال رہے کہ جموں و کشمیر کے تیز رفتار گیند باز عمران ملک کو جنوبی افریقہ کے خلاف 9 جون سے شروع ہونے والی آئندہ پانچ میچوں کی T20 انٹرنیشنل گھریلو سیریز کے لیے ہندوستانی ٹیم میں متوقع طور پر شامل کیا گیا ہے۔ عمران اب تک سن رائزرز حیدرآباد کے لیے 13 میچوں میں 21 وکٹیں حاصل کر چکے ہیں۔عمران کے ساتھ، پنجاب کنگز کے ڈیتھ اوورز کے ماہر ارشدیپ سنگھ کو بھی قومی ٹیم میں شامل کیا گیا ہے۔ جبکہ باقاعدہ کپتان روہت شرما، اسٹار بلے باز ویراٹ کوہلی، تیز گیند باز جسپریت بمراہ اور محمد شامی سبھی کو وائٹ بال سیریز کے لیے آرام دیا گیا ہے جس میں رشبھ پنت نائب کپتان ہوں گے۔
