روس گزشتہ 24 دنوں سے یوکرین پر بمباری کر رہا ہے۔ روس کے مسلسل حملوں کی وجہ سے یوکرین ریت کے ڈھیر میں تبدیل ہو رہا ہے۔ جہاں یوکرین میں تباہی کن حالت ہیں وہیں یوکرین کے صدر ولادیمیر زیلینسکی دن رات اپنے ہم وطنوں کی حفاظت کر رہے ہیں۔ Mira Rajput Slams American Financial Expert
ان دنوں زیلنسکی بھی اپنے لباس کو لے کر سرخیوں میں ہیں۔ زیلینسکی نے روس کے حملے کے پہلے دن سے ہی زیتون سبز رنگ کی ٹی شرٹ پہن رکھی ہے جس پر اب امریکی مالیاتی ماہر پیٹر شیف نے تنقید کی ہے۔ مزے کی بات یہ ہے کہ بالی ووڈ اداکار شاہد کپور کی اہلیہ میرا راجپوت نے امریکہ کے مالیاتی ماہر کے اس ٹویٹ کا جواب دیا ہے۔ Mira Rajput on Ukrainian President's Outfit
امریکہ کے مالیاتی ماہر پیٹر شیف نے ٹویٹر پر یوکرین کے صدر ولادیمیر زیلنسکی پر طنز کرتے ہوئے لکھا، "میں سمجھتا ہوں کہ آپ مشکل وقت سے گزر رہے ہیں، لیکن کیا یوکرین کے صدر کے پاس اپنا کوئی سوٹ نہیں ہے؟ میرے ذہن میں امریکی کانگریس کے موجودہ ممبران کےلیے بھی زیادہ عزت نہیں، لیکن میں پھر بھی ان سے ٹی شرٹ پہن کر خطاب نہیں کروں گا۔ میں امریکہ اور ادارے کی بے عزتی نہیں کرنا چاہتا'۔
اس کے ساتھ ہی بالی ووڈ اداکار شاہد کپور کی اہلیہ میرا راجپوت نے اپنی انسٹاگرام کی اسٹوری پر یہ ٹوئٹ شیئر کرتے ہوئے لکھا کہ ' آپ انہیں کفلنکس پہننے کے لیے کیوں نہیں کہتے اگر آپ کہہ سکتےہو تو، واقعی میں کیا ہم سب کو صرف باہری خوبصورتی سے متاثر ہونا چاہیے اور حقیقت کو بھول جانا چاہیے؟ کسی ملک کے سربراہ سے یہ امیدا کرنا کہ بحران کے وقت میں ان کا کپڑا اچھا ہو؟'۔
خبر رساں ادارے اے پی کے مطابق یوکرین کے صدر ولادیمیر زیلنسکی نے عالمی رہنماؤں سے اپنے پہلے عوامی خطاب میں امریکی کانگریس سے اپیل کی۔ اس دوران انہوں نے جنگ میں اپنے ملک کی تباہی اور بربادی کی ایک گرافک ویڈیو ارکان پارلیمان سے بھرے آڈیٹوریم کو دکھائی اور ساتھ ہی ملک کے کونے کونے میں گھر بار چھوڑنے پر مجبور لوگوں کے حالات بھی دکھائے۔
