بالی ووڈ کے میگا اسٹار امیتابھ بچن جلد ہی اپنا نان فنگیبل ٹوکن کلیکشن (این ایف ٹی) لانچ کریں گے امیتابھ بچن جلد ہی ’بیونڈ لائف ڈاٹ کلب کے ذریعے اپنا این ایف ٹی کلیکشن‘ لانچ کریں گے۔
اس کلیکشن میں ان کی نظمیں، آٹوگراف کے ساتھ پوسٹرز اور ان کی آواز میں بولے گئے ’مدھوشالا‘ کے اقتباسات اور دیگر یادیں بھی ہوں گی۔ اس این ایف ٹی پلیٹ فارم پر ساؤتھ ایسٹ ایشیا کے اے لسٹیڈ برانڈ، ایتھلیٹس اور مشہور شخصیات منسلک ہوں گی۔ امیتابھ این ایف ٹی میں شامل ہونے والے پہلے اداکار ہیں۔
امیتابھ نے اس پہل کی معلومات دیتے ہوئے لکھا "میں نے سنگاپور کا ریتی انٹرٹینمنٹ جوائن کیا ہے اور جلد ہی این ایف ٹی پلیٹ فارم لانچ ہوگا۔
بیونڈ لائف ڈاٹ کلب نے ایک بیان میں کہا کہ "بالی ووڈ کے میگا اسٹار امیتابھ بچن بیونڈ لائف ڈاٹ کلب کے ذریعے اپنا این ایف ٹی کلیکشن شروع کرنے والے پہلے شخص ہوں گے۔ ان کے قابل ستائش کارناموں کے مجموعے شامل ہوں گے۔
واضح رہے کہ این ایف ٹی کو بلاک چین پر محفوظ کیا جاتا ہے۔ بلاک چین ڈیجیٹل اثاثوں کو ایک منفرد شناخت دیتا ہے، اس میں جمع شدہ مواد میں کسی بھی طرح کی ترمیمات نہیں کی جاسکتی ہے۔ حقیقی دنیا کے اثاثے جیسے پینٹنگز، گیمز، میوزک البمز، اسپورٹس کارڈ اور میمز کو این ایف ٹی میں تبدیل کیا جاسکتا ہے۔ این ایف ٹی کو تصاویر، ویڈیوز، آڈیو اور دیگر قسم کی ڈیجیٹل فائلوں کی نمائندگی کے لیے استعمال کیا جاسکتا ہے۔
یو این آئی
