حیدرآباد: بھارت دنیا کی سب سے بڑی معیشتوں کے فورم جی ٹوئنٹی کی صدارت آج سے شروع کر رہا ہے۔ آج جی 20 کی صدارت کا افتتاح کرتے ہوئے وزیر اعظم مودی نے لکھا ہے کہ ہم آنے والے سال میں کس طرح ایک جامع، ، عمل پر مبنی اور عالمی بہبود کے لیے فیصلہ کن ایجنڈے کی بنیاد پر کام کریں گے۔ بھارت کی توجہ دہشت گردی سے لڑنے اور اقتصادی سست روی اور موسمیاتی تبدیلی جیسے عالمی چیلنجوں سے لڑنے میں یکجہتی لانے پر مرکوز ہوگی۔ India's G20 presidency
-
Today, as India begins its G-20 Presidency, penned a few thoughts on how we want to work in the coming year based on an inclusive, ambitious, action-oriented, and decisive agenda to further global good. #G20India @JoeBiden @planalto https://t.co/cB8bBRD80D
— Narendra Modi (@narendramodi) December 1, 2022 " class="align-text-top noRightClick twitterSection" data="
">Today, as India begins its G-20 Presidency, penned a few thoughts on how we want to work in the coming year based on an inclusive, ambitious, action-oriented, and decisive agenda to further global good. #G20India @JoeBiden @planalto https://t.co/cB8bBRD80D
— Narendra Modi (@narendramodi) December 1, 2022Today, as India begins its G-20 Presidency, penned a few thoughts on how we want to work in the coming year based on an inclusive, ambitious, action-oriented, and decisive agenda to further global good. #G20India @JoeBiden @planalto https://t.co/cB8bBRD80D
— Narendra Modi (@narendramodi) December 1, 2022
وزیراعظم مودی نے جی 20 کی صدارت کے موقع پر اپنے خیالات کا اظہار کرتے ہوئے لکھا کہ ہمارے حالات ہماری ذہنیت کو تشکیل دیتے ہیں۔ پوری تاریخ میں انسانیت کی جو شکل ہونی چاہیے تھی اس میں ایک قسم کی کمی دکھی، ہم نے محدود وسائل کے لیے جدوجہد کی کیونکہ ہماری بقا کا انحصار دوسروں کو ان وسائل سے محروم کرنے پر ہے۔ مختلف خالات، نظریات اور شناختوں کے درمیان تصادم اور مسابقت کو ہی ہم اہم سمجھ بیٹھے ہیں۔
وزیر اعظم مودی نے مزید لکھا کہ بدقسمتی سے، ہم اب بھی اسی ذہنیت میں پھنسے ہوئے ہیں اور ہم اسے اس وقت دیکھتے ہیں جب مختلف ممالک وسائل کے لیے آپس میں لڑتے ہیں اور ہم اسے اس وقت دیکھتے ہیں جب ضروری اشیاء کی فراہمی کو ہتھیار بنایا جاتا ہے۔ ہم اسے اس وقت دیکھتے ہیں جب چند افراد کی طرف سے ویکسین کا ذخیرہ کیا جاتا ہے، حالانکہ اربوں لوگ بیماریوں کا شکار ہوتے ہیں۔
وزیر اعظم مودی کا خیال ہے کہ جی 20 کی بھارت کی صدارت دنیا میں اتحاد کے عالمگیر جذبے کو فروغ دینے کی سمت کام کرے گی۔ جی 20 کے لیے بھارت کا تھیم 'ایک زمین، ایک خاندان، ایک مستقبل' ہے۔ آج سے ملک بھر میں یونیسکو کے عالمی ثقافتی ورثہ کے مقامات سمیت 100 یادگاروں کو ایک ہفتے تک جی 20 لوگو سے روشن کیا جائے گا۔
یہ بھی پڑھیں:
G20 Presidency to India انڈونیشیا نے جی ٹوئنٹی کی صدارت بھارت کو سونپی
واضح رہے کہ انڈونیشیا کے بالی میں 15 سے 16 نومبر تک منعقدہ جی 20 سربراہی اجلاس کی اختتامی تقریب میں بھارت کو اس بااثر گروپ کی سربراہی سونپی تھی۔ بھارت کو ایک سال کے لیے جی 20 تنظیم کی صدارت دی گئی ہے۔ قابل ذکر ہے کہ جی 20 عالمی اقتصادی تعاون کی ایک بااثر تنظیم ہے۔ یہ عالمی مجموعی گھریلو پیداوار (جی ڈی پی) کا تقریباً 85 فیصد، عالمی تجارت کا 75 فیصد سے زیادہ، اور دنیا کی تقریباً دو تہائی آبادی کی نمائندگی کرتا ہے۔
جی 20 گروپ دنیا کی بڑی ترقی یافتہ اور ترقی پذیر معیشتوں کا ایک بین الحکومتی فورم ہے۔ اس میں ارجنٹینا، آسٹریلیا، برازیل، کینیڈا، چین، فرانس، جرمنی، بھارت، انڈونیشیا، اٹلی، جاپان، جنوبی کوریا، میکسیکو، روس، سعودی عرب، جنوبی افریقہ، ترکیہ، برطانیہ، امریکہ اور یورپی یونین (EU) شامل ہیں۔
