اسرائیلی فورسز اور فلسطینی باشندوں کے مابین مقبوضہ مغربی کنارے میں ہوئی جھڑپ کے دوران سکیورٹی فورسز کی گولی سے ہلاک 17 سالہ نوجوان کی آخری رسومات میں ہفتے کے روز سینکڑوں سوگوار شامل ہوئے۔
یہ فائرنگ جمعہ کے روز نیبی صالح میں ہوئی، جہاں اسرائیلی بازآبادکاری میں توسیع کے خلاف کئی مظاہرے ہوئے ہیں، جس کے بارے میں فلسطینیوں کا کہنا ہے کہ یہ ان کی زمین ہے۔
فلسطین کی سرکاری خبر رساں ایجنسی وفا نے اس نوعمر کی شناخت محمد تمیمی کے طور پر کی ہے، جو اس گاؤں میں رہنے والے ایک بڑے خاندان کے فرد تھے۔
مقامی باشندہ اور نوجوان کے رشتیدار بلال تمیمی نے الزام لگایا کہ اس جھڑپ کے دوران اس کی پیٹھ میں گولی لگی تھی جو اس گاؤں میں اسرائیلی فوج کے داخل ہونے کے بعد ہوئی تھی۔
یہ بھی پڑھیں: مغربی کنارے میں آبادکاری چوکی کے خلاف فلسطینیوں کا مظاہرہ
مزید تفصیلات فوری طور پر دستیاب نہیں ہوئی جبکہ اسرائیلی فوج نے بتایا کہ وہ تمیمی کی موت کی تحقیقات کر رہی ہے۔
