Swara Bhaskar Wedding سوارا بھاسکر ڈیسٹینشن ویڈنگ کے بجائے نانی گھر میں فہد احمد سے شادی کریں گی

سوارا بھاسکر جلد ہی سماج وادی پارٹی کے یوتھ ونگ کے صدر فہد احمد کے ساتھ نئی دہلی میں اپنے نانی کے گھر پر شادی کے بندھن میں بندھنے والی ہیں۔ شادی کی تقریبات 11 مارچ کو ہلدی سے شروع ہوگئی۔ پھر مہندی، سنگیت جیسے تقریبات کے بعد یہ جوڑا 16 مارچ کو تمام رسم و رواج کے مطابق شادی کرے گا۔

حیدرآباد: انار کلی آف آرہ، ویرے دی ویڈنگ، نل بٹے سناٹا اور رانجھنا جیسی فلموں میں نظر آنے والی سوارا بھاسکر جلد ہی سماج وادی کے یوتھ ونگ کے صدر فہد احمد سے شادی کرنے والی ہیں۔ جوڑے نے گزشتہ ماہ کورٹ میرج کی اور اب یہ جوڑا جلد ہی روایتی طریقے سے شادی کرنے والے ہیں۔ لگتا ہے کہ دونوں نے کافی غور و فکر کے بعد فیصلہ کیا ہے کہ وہ عام بالی ووڈ شخصیات کی طرح ڈیسٹینشن ویڈنگ نہیں کریں گے۔ ان کی شادی کی تقریب دہلی میں واقع سوارا کے نانی گھر میں منعقد ہوگا۔

• I never knew chaos can be so beautiful ❤️
  
  Thank you for holding my hand love @ReallySwara 😘😘 https://t.co/ivKVsZrMyx

  — Fahad Ahmad (@FahadZirarAhmad) February 16, 2023 " class="align-text-top noRightClick twitterSection" data="

  I never knew chaos can be so beautiful ❤️
  
  Thank you for holding my hand love @ReallySwara 😘😘 https://t.co/ivKVsZrMyx

  — Fahad Ahmad (@FahadZirarAhmad) February 16, 2023

  ">

  I never knew chaos can be so beautiful ❤️
  
  Thank you for holding my hand love @ReallySwara 😘😘 https://t.co/ivKVsZrMyx

  — Fahad Ahmad (@FahadZirarAhmad) February 16, 2023

ٹی وی اداکار شروتی سیٹھ نے سوارا کی شادی کے کارڈ کی جھلک اپنے آفیشل انسٹاگرام ہینڈل پر شیئر کی، جسے سوارا نے اپنی انسٹاگرام اسٹوری پر دوبارہ شیئر کیا۔ خاندان کے قریبی ذرائع نے انکشاف کیا کہ یہ جوڑی اپنے قریبی خاندان اور دوستوں کی موجودگی میں بھارتی رسم و رواج کے مطابق شادی کرے گی۔ ان دونوں کی شادی کی تقریب 11 سے 16 مارچ تک جاری رہے گا، جس میں ہلدی، مہندی اور سنگیت سے لے کر تمام تقریبات شامل ہیں۔ سوارا نے ٹویٹر پر فہد احمد کے ساتھ اپنی شادی کی خوشخبری شیئر کی تھی، جن سے وہ پہلی بار جنوری میں متنازعہ شہریت ترمیمی قانون(سی اے اے) احتجاج میں شرکت کے دوران ملی تھیں۔ احمد نے اس احتجاج میں ایک طلبہ لیڈر کے طور پر شرکت کی تھی۔

اداکارہ نے انسٹاگرام پر ایک دلکش ویڈیو شیئر کی تھی، جس میں انہوں نے بتایا تھا کہ ان کی محبت کی کہانی کیسے شروع ہوئی۔ انہوں نے ویڈیو میں بتایا کہ جنوری 2020 میں دونوں ایک احتجاجی مقام پر ملے اور یہیں سے ان کی محبت کا سفر شروع ہوا۔ ممبئی میں مقیم ایک سیاسی کارکن فہد علی گڑھ مسلم یونیورسٹی سے پاس آؤٹ ہیں اور ٹاٹا انسٹی ٹیوٹ آف سوشل سائنسز (TISS) سے سوشل ورک میں ایم فل کی ڈگری حاصل کی ہے۔ سال 2017 اور 2018 میں وہ ٹی آئی ایس ایس طلباء یونین کے جنرل سکریٹری منتخب ہوئے اور وہ سی اے اے مخالف مظاہروں میں ایک نمایاں چہرہ رہے۔ فہد اس وقت سماج وادی پارٹی کے یوتھ ونگ سماج وادی یوجن سبھا مہاراشٹر یونٹ کے سربراہ ہیں۔