حیدرآباد: فلمساز روہت شیٹی نے جمعہ کو اپنی آئندہ فلم سرکس کا ٹیزر پوسٹ کیا۔ انسٹاگرام پر روہت نے موشن پوسٹر شیئر کیا اور فلم کے نرالے کرداروں سے مداحوں کو متعارف کرایا۔ روہت شیٹی کے علاوہ فلم کے مرکزی اداکار رنویر سنگھ اور پوجا ہیگڑے نے بھی یہ ٹیزر اپنے سوشل میڈیا اکاؤنٹ پر شیئر کیا ہے۔Cirkus Teaser
سرکس کے ٹیزر کا آغاز رنویر سنگھ سے ہوا، جو اپنے کریئر میں پہلی بار ڈبل رول ادا کر رہے ہیں۔ رنویر کا پہلا کردار سُلجھا ہوا نظر آرہا ہے جبکہ دوسرا کردار پریشان کن نظر آرہا ہے۔ وہیں اداکارہ پوجا ہیگڑے پیلے رنگ کی ساڑھی میں نظر آرہی ہیں۔
- " class="align-text-top noRightClick twitterSection" data="
">
اداکارہ جیکلین فرنانڈیز ایک ریٹرو لک میں نظر آرہی ہیں۔ اداکارہ نے نیلے رنگ کے آؤٹ فٹ میں ملبوس کیا ہوا ہے۔ وہ موشن پوسٹر میں آنکھ مارتی اور مسکراتی نظر آئیں۔ ورون شرما بھی اس فلم میں ڈبل رول ادا کر رہے ہیں۔ ٹیزر میں مختلف انداز میں نظر آرہے ہیں۔ فلم کے دیگر تمام کاسٹ بھی نرالے اور رنگین لباس میں نظر آئے۔
اس پوسٹ کو شیئر کرتے ہوئے روہت نے اس کا کیپشن دیا کہ ' آئندہ ہفتے ٹریلر کے ریلیز ہونے سے پہلے ہماری سرکس فیملی سے ملیں'۔ اس پر ردعمل ظاہر کرتے ہوئے ایک مداح نے کہا کہ ' یہ بلاک بسٹر ہے'۔ وہیں ایک اور صارف نے لکھا کہ ' اس کے تھیئٹر میں ریلیز ہونے کا انتظار کر رہا ہوں، آخر کار کچھ اچھا آنے والا ہے، اس فلم کے لیے پرجوش ہوں'۔
فلم کی شوٹنگ گزشتہ ہفتے مکمل ہوئی تھی اور رنویر نے اپنے انسٹاگرام پیج پر فیملی انٹرٹینر کی شوٹنگ مکمل ہونے کا اعلان بھی کیا تھا۔انہوں نے روہت شیٹی اور ورون شرما کے ساتھ اپنی تصویر شیئر کرتے ہوئے لکھا تھا کہ ' شوٹنگ ختم، پروموشن کی پلاننگ شروع۔ ماسٹر فلم میکر کے ماسٹر پلانز'۔
سرکس میں جانی لیور، سنجے مشرا، وراجیش ہرجی اور سدھارتھ جادھو بھی ہیں۔ اسے روہت شیٹی پکچرز نے پروڈیوس کیا ہے اور اسے ٹی سیریز نے پیش کیا ہے۔ سرکس رواں سال 23 دسمبر کو سینما گھروں کی زینت بنے گی۔
یہ فلم ولیم شیکسپیئر کے کلاسک ڈرامے دی کامیڈی آف ایررز پر مبنی ہے، جس کی کہانی دو جڑواں بچوں کے ارد گرد گھومتی ہے، جو پیدائش کے وقت حادثاتی طور پر الگ ہوجاتے ہیں۔
