اداکارہ عالیہ بھٹ اور رنبیر کپور کے گھر ایک ننھی پری کی آمد ہوئی ہے۔ اداکارہ نے اتوار کے روز ایک انسٹاگرام کے پوسٹ کے ذریعہ یہ خوشخبری اپنے مداحوں کے ساتھ شیئر کی۔ جہاں بالی ووڈ کے کئی ہستیوں نے اس جوڑے کو اپنی دعائیں بھیجی وہیں اب سات سمندر پار سے بھی عالیہ کو مبارکباد ملی ہے۔ اداکارہ عالیہ بھٹ کی پہلی ہالی ووڈ فلم ہارٹ آف اسٹون کی ساتھی اداکارہ گیل گیڈوٹ نے بھی نیک خواہشات کا اظہار کیا ہے۔ ہارٹ آف اسٹون عالیہ کی پہلی ہالی ووڈ فلم ہے اور اداکارہ اپنی حمل کے دوران فلم کی شوٹنگ کے لیے برطانیہ بھی گئی تھیں۔Gal Gadot Wishes to Alia Bhatt
- " class="align-text-top noRightClick twitterSection" data="
">
عالیہ نے اپنے پہلے بچے کی پیدائش کا اعلان کرتے ہوئے ایک پوسٹ کیا تھا، جس میں لکھا تھا ' اور ہماری زندگی کی سب سے اچھی خبر آگئی ہے۔ ہماری بچی ہمارے پاس آگئی ہے۔۔۔ اور وہ کتنی جادوئی لڑکی ہے۔ ہم والدین بن کر محبت سے بھر گئے ہیں'۔ اس پوسٹ پر گیل گیڈوٹ نے تبصرہ کرتے ہوئے لکھا کہ ' مبارک ہو'۔ ساتھ میں انہوں نے دل والا ایموجی بھی شیئر کیا ہے۔
بالی ووڈ کے بہت سے دیگر ستاروں نے عالیہ کو نیک خواہشات کا اظہار کیا، جن میں اکشے کمار، رتیش دیش مکھ، مادھوری ڈکشٹ، سارہ علی خان، کیارا اڈوانی، انیل کپور، سونم کپور، دیپیکا پڈوکون، کریتی سینن اور کارتک آرین شامل ہیں۔
اس سال کے شروع میں ورائٹی کو دیے گئے ایک انٹرویو میں عالیہ نے اپنے حمل کے دوران کی گئی ہارٹ آف اسٹون کی شوٹنگ کے بارے میں بات کی تھی۔ انہوں نے اس بات کا بھی ذکر کیا کہ کاسٹ اور عملے نے ان کی اچھی طرح دیکھ بھال کی تھی۔ "یہ میرا پہلا ہالی ووڈ تجربہ ہے اور میرے لیے یہ کافی مشکل بھی تھا کیونکہ میں پہلی ایک ایکشن فلم کی شوٹنگ کر رہی تھی۔ لیکن میں حاملہ بھی ہوں اس لیے میرے ساتھ کام کرنے میں بہت ساری چیزوں کو مدنظر رکھنا تھا۔ لیکن انہوں نے اسے میرے لیے اتنا آسان اور اتنا آرام دہ بنا دیا۔ یہ ایسی چیز ہے جسے میں کبھی نہیں بھولوں گی کیونکہ میرے ساتھ کتنا خوبصورت اور کتنا اچھا سلوک کیا گیا تھا'۔
اس ایکشن تھرلر فلم میں عالیہ نے کیا دھون کا کردار ادا کیا ہے۔ ٹام ہارپر کی ہدایت کاری میں بننے والی اس فلم میں گیل گیڈوٹ، جیمی ڈورنن، سوفی اوکونیڈو، میتھیاس شوئفر، جِنگ لوسی اور پال ریڈی شامل ہیں۔ ہارٹ آف اسٹون نیٹ فلکس پر ریلیز ہوگا۔
مزید پڑھیں: Alia Bhatt Hollywood Debut عالیہ بھٹ نے اپنی پہلی ہالی ووڈ فلم کے بارے میں بات کی
