حیدرآباد: صدی کے میگا اسٹار امیتابھ بچن کے نواسہ اگستیہ نندا 23 نومبر کو اپنی 22 ویں سالگرہ منا رہے ہیں۔ اس خاص موقع پر ان کے اہل خانہ اور دوست اگستیہ کو سالگرہ کی بہت مبارکباد دے رہے ہیں۔ اگستیہ امیتابھ بچن کی اکلوتی بیٹی شویتا بچن نندا کے بیٹے ہیں۔ اگستیہ کی بہن کا نام نویا نویلی نندا ہے۔ اگستیہ بہت جلد فلمساز زویا اختر کی فلم آرچیز سے ڈیبیو کرنے جارہے ہیں۔ اس خاص موقع پر زویا اختر اور اگستیہ کے مامو ابھیشیک نے بھی انہیں سالگرہ کی مبارکباد دی ہے۔Agastya Nanda Birthday
ابھیشیک بچن نے اگستیہ کو سالگرہ کی مبارکباد دیتے ہوئے ان کی بچپن کی ایک تصویر شیئر کی اور انہوں نے لکھا کہ ' سالگرہ مبارک ہو اگی، بہت سارا پیار۔ ابھیشیک کی اس پوسٹ پر زویا اختر نے ہارٹ ایموجی شیئر کرکے اپنا ردعمل دیا ہے۔
- " class="align-text-top noRightClick twitterSection" data="
">
شویتا بچن نندا نے بھی اپنے بیٹے اگستیہ کو ان کی سالگرہ پر مبارکباد دی ہے۔ شویتا نے لکھا کہ' سالگرہ مبارک ہو بیٹا، جس طرح سے تم دنیا کو دیکھتے اور سمجھتے ہو، مجھے نہیں لگتا کہ ایسا کوئی اور بھی کرتا ہوگا۔ اتنی سی عمر میں ایسی سمجھداری، تم نے مجھے بہت خوش کیا ہے، کبھی رکنا مت'۔ شویتا کی بیٹی اور اگستیہ کی بہن نویا نندا نے اس پوسٹ پر سرخ دل کا ایموجی شیئر کیا ہے۔
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
ساتھ ہی فلمساز زویا اختر نے بھی اگستیہ کے نام پوسٹ لکھی ہے۔ اگستیہ کو ان کی سالگرہ کی مبارکباد دیتے ہوئے زویا نے لکھا کہ 'تم نے بہت طویل فاصلہ طے کیا ہے بچے، سالگرہ مبارک'۔ آپ کو بتا دیں کہ زویا اختر اپنی فلم 'دی آرچیز' سے اگستیہ نندا کو لانچ کرنے جا رہی ہیں۔ ساتھ ہی شاہ رخ خان کی بیٹی سہانا خان اور آنجہانی اداکارہ سری دیوی کی چھوٹی بیٹی خوشی کپور بھی اس فلم سے ڈیبیو کرنے جا رہی ہیں۔
