سرینگر:آل انڈیا فٹ بال فیڈریشن all India football Federation (اے آئی ایف ایف) کے کیمپ میں شامل ہونے کے بعد وادی کشمیر کے مشہور فٹبالر دانش فاروق بٹ نے قومی ٹیم میں جگہ بنا لی ہے۔Kashmiri Footballer Danish Farooq Bhat
اے آئی ایف ایف کے ذریعہ جاری کردہ ٹیم انڈیا کے 25 کھلاڑیوں کی فہرست میں مڈفیلڈر دانش کا نام بھی شامل ہے۔ دانش جو کشمیری رونالڈو کے نام سے مشہور ہیں، نے رئیل کشمیر فٹبال کلب کے لیے کھیلنے کے بعد شہرت حاصل کی تھی۔
25 برس کے دانش نے اپنے کیرئیر کا آغاز مقامی ٹیم چنار ویلی ایف سی سے کر لیا تھا اور بعد میں 13 سال کی عمر میں جے اینڈ کے بینک فٹبال اکیڈمی میں شمولیت اختیار کی تھی۔
چنار ویلی کے ساتھ 12 مقامی لیگ اور ٹورنامنٹ جیتنے کے بعد دانش نے 2015 میں لونسٹار کشمیر میں شمولیت اختیار کی۔جس کے بعد 2016 میں دانش نے رئیل کشمیر میں شمولیت اختیار کی جہاں اسے 10 نمبر کی شرٹ دی گئی۔
