جموں و کشمیر کے ضلع گاندربل میں پہلی ڈسٹرکٹ انڈور روئنگ چمپئن شپ آج انڈور اسٹیڈیم سہ پورہ میں منعقد ہوئی، اس چمپیئن شپ کے موقع پر منعقد پرگرام کی صدارت ڈپٹی کمشنر گاندربل شیامبیر نے کی۔ چمپئن شپ کا انعقاد جموں و کشمیر ایسوسی ایشن روئنگ اینڈ سکلنگ ڈسٹرکٹ گاندربل نے ضلع انتظامیہ گاندربل کے تعاون سے کیا تھا۔First Indoor Rowing Championship held at Gbl
انڈور روئنگ چمپئن شپ
اس چیمپئن شپ میں ضلع کے تمام زمروں (سینئر، جونیئر اور سب جونیئر) کے تقریباً 200 لڑکوں اور لڑکیوں نے حصہ لیا۔
اس موقع پر خطاب کرتے ہوئے ڈی سی نے کہا کہ ضلعی انتظامیہ نوجوانوں کی صلاحیتوں کو نکھارنے کے لیے پُرعزم ہے، اس سلسلے میں ضلع کے اندر کھیلوں کے انفراسٹرکچر کو اپ گریڈ کرنے کے لیے تمام تر اقدامات اٹھائے جائیں گے تاکہ ضلع کے اندر کھیلوں سے محبت کرنے والے نوجوانوں کو بہتر سہولیات میسر ہوں۔
