جموں و کشمیر پرائیویٹ اسکول ایسوسی ایشن نے فی فیکزیشن کمیٹی کی جانب سے 12 فیصد ٹرانسپورٹ فیس میں اضافے کے ردعمل میں اب ریٹ کارڈ جاری کیا ہے جس میں کم از کم دو ہزار روپے ماہانہ ایک بچے کی بس فیس مقرر کی گئی ہے۔ Private School Association J&K Issued Bus Fee Rate Card
پرائیویٹ اسکول ایسوسی ایشن کے چیئرمین جی این وار نے جاری کیے گئے بس ریٹ کارڈ سے متعلق کہا کہ 'اگر اس تعلق سے کسی کو کوئی اعتراض ہو تو وہ ایسوسی ایشن سے رابطہ قائم کرسکتا ہے۔ تاہم انہوں نے کہا کہ مذکورہ ریٹ کارڈ کو متعین کرتے ہوئے تمام زاویوں کو مد نظر رکھا گیا ہے۔'
فی فیکزیشن کمیٹی کے پرائیویٹ اسکولز کی بس فیس میں 12 فیصد اضافہ کیے جانے کے حالیہ فیصلے پر بات کرتے ہوئے جی این وار نے کہا کہ 'یہ یک طرفہ فیصلہ ہے جو کہ انہیں قابل قبول نہیں ہے۔' increase in bus fees in private schools
وہیں ان کے مطابق پرائیویٹ اسکولز میں ٹرانسپورٹ کرایہ کا متعین کرنا ایف ایف سی کے حد اختیار میں نہیں ہے۔ ایسے میں یہ سمجھنے سے قاصر ہے کہ کمیٹی نے کس بنیاد پر ٹرانسپورٹیشن چارجز پر اپنا آرڈر جاری کیا جب کہ ایف ایف آر کا دائرۂ کار صرف ماہانہ تعلیمی فیس مقرر کرنے تک محدود ہے۔
- یہ بھی پڑھیں: Admin Allows 12% Hike in School Bus Fare: نجی اسکولوں کو بس فیس میں 12 فیصد اضافہ کرنے کی اجازت
پرائیویٹ اسکول ایسوسی ایشن نے کہا ہے اگر سرکار کو ایسا لگتا ہے کہ جاری کیا گیا ریٹ کارڈ خرچہ جات کے اعتبار سے صحیح نہیں ہے تو انہوں نے حکومت سے اپیل کی ہے کہ وہ ایس آر ٹی سی بسوں کا بندوست کریں تاکہ پرائیویٹ اسکولوں میں ٹرانسپورٹیشن فیس سے متعلق آئے روز کے معاملات و مسائل کو ہمیشہ کے لیے حل کیا جاسکے۔
