اطلاعات کے مطابق سرینگر میں کووڈ کیسز میں کچھ دنوں سے معمولی اضافے کے بعد ضلع انتظامیہ متحرک ہوگئی ہے۔ اسی دوران ڈپٹی کمشنر سرینگر محمد اعجاز اسد کی ہدایت پر انتظامیہ نے کووڈ کی روک تھام کے لیے اقدامات میں تیزی کردی ہے۔
انتظامیہ کی جانب سے کووڈ ایس او پیز پر لوگوں کو عمل کرانے کے لیے مجسٹریٹ فلائنگ اسکواڈ تشکیل دیا گیا ہے، جنہوں نے منگل کو سرینگر کے مختلف مقامات بشمول بمنہ، بٹہ مالو، لال چوک اور دیگر ملحقہ علاقوں میں معائنہ کیا۔ معائنے کے دوران 13 افراد کو ماسک نہ پہننے اور کووڈ 19 ایس اوپیز کی خلاف ورزی کی پاداش میں حراست میں لیا گیا۔
ادھر ڈپٹی کمشنر و ضلع مجسٹریٹ سرینگر محمد اعجاز اسد نے لوگوں سے اپیل کی کہ وہ عوامی تحفظ کے لیے حکومتی ہدایات پر سختی سے عمل کریں۔
مزید پڑھیں:جموں و کشمیر میں کرپشن کے باعث لوگوں کا سانس لینا مشکل: محبوبہ مفتی
انہوں نے تاجروں اور ٹرانسپورٹرز سے اپیل کی کہ وہ ضلعی انتظامیہ کے ساتھ تعاون کریں اور کووڈ 19 کے ایس او پیز اور احتیاطی تدابیر پر سختی سے عمل کریں۔
