کالج طلباء، تدریسی اورغیرتدریسی عملے کو خاص ٹیکہ کاری مہم میں لایا جارہا ہے: منوج سنہا

جموں وکشمیر کے لیفٹیننٹ گورنر منوج سنہا نے کہا ہے کہ جموں و کشمیر انتظامیہ تمام کالج طلباء تدریسی اور غیر تدریسی عملے کو ویکسین لگوانے کے لیے خاص ٹیکہ کاری مہم چلا رہا ہے تاکہ کالجوں میں پھر سے تعلیمی سرگرمیاں بحال ہو جائیں۔

جموں وکشمیر کے ایل جی منوج سنہا نے ہفتے کے روز کہا ہے کہ انتظامیہ کالجوں میں دوبارہ تعلیمی سرگرمیاں بحال کرنے کے لیے سبھی طلباء ،کالج کے تدریسی اور غیر تدریسی عملے کو کووڈ مخالف ٹیکہ لگوانے کی کوشش کررہے ہیں تاکہ کالجوں میں تعلیمی سرگرمیاں بہتر طور شروع کی جاسکے۔منوج سنہا نے ان باتوں کا اظہار ایس کے آئی سی سی سرینگر میں منعقدہ ایک تقریب کے حاشہ پر کیا۔

انہوں نے کہا کہ انتظامیہ 18 برس سے زیادہ عمر کے طالب علموں اور عملے کی ویکسینیشن پر توجہ مرکوز کی ہوئی ہے تاکہ بغیر کووڈ ٹیکے کے افراد کو ویکسین جلد لگوائے جائے۔ جس کے لیے کالجوں اور اعلی تعلیمی اداروں میں ایک خاص مہم چلائی جارہی ہے۔

ہم آپ ک بتادیں محکمہ اعلی تعلیم کی جانب سے جمعہ کے روز جاری کردہ ایک حکمنامے میں وادی کے سبھی کالجوں کو مشروط بنیاد پر کھولنے کی اجازت دی گئی ہے۔البتہ طلباء کالج کے تدریسی اور غیرتدرییس عملے کے لیے ویکسینیشن کو ضروری قرار دیا گیا ہے۔