وادی کشمیر اور خطہ پیر پنچال میں سال کی پہلی برف باری

محکمہ موسمیات کی جانب سے پہلے ہی اس بات کی پیشن گوئی کی گئی تھی کہ 10 اور 11 اکتوبر کو وادی کے علاوہ خطہ پیر پنچال کے میدانی علاقوں میں بارش کا امکان ہے اور بالائی علاقوں میں درمیانی درجہ کی برف باری ہوگی۔

ضلع رامبن میں محکمہ موسمیات کی جانب سے کی گئی پیشن گوئی کے مطابق وادی کے ساتھ ساتھ خطہ پیر پنچال کے بالائی علاقوں میں سال کی پہلی برف باری اور میدانی علاقوں میں موسلہ دھار بارشوں کے سبب سردی نے دستک دے دی ہے۔

محکمہ موسمیات کی جانب سے پہلے ہی اس بات کی پیشن گوئی کی گئی تھی کہ 10 اور 11 اکتوبر کو وادی کے علاوہ خطہ پیر پنچال کے میدانی علاقوں میں بارش کا امکان ہے اور بالائی علاقوں میں درمیانی درجہ کی برف باری ہوگی۔

متعلقہ محکمہ کی جانب سے کی گئی پیشن گوئی کے عین مطابق ضلع رامبن اور خاص طور سے سب ڈویژن بانہال کے اوپری علاقہ مہو منگت، ہنس راج ٹاپ و خطہ پیر پنچال کے دیگر پہاڑوں پر سال کی پہلی برف باری ہوئی اور میدانی علاقوں میں اتوار کی شب بارش ہوئی جس کے سبب سردی نے دستک دے دی ہے۔

بانہال کے اوپری علاقہ مہو منگت اور دیگر پہاڑی علاقوں کے لوگوں نے موسم سرما میں پہننے والی پوشاک اور گرم لباس ڈھونڈنا شروع کر دیا ہے۔

وہیں دوسری جانب کسان پھولوں کو توڑنے میں مصروف ہیں اور اس بارش کی وجہ سے ضلع رامبن کے اوپری علاقے میں آباد کسانوں کی کٹی ہوئی گھاس اور مکے کی فصل کو نقصان پہنچنے کے خطرات بھی لاحق ہے۔