جموں کے تمام سرکاری اسکولوں کا نام بھارتی فوج کے جوانوں ، سی آر پی ایف کے جوانوں اور جموں و کشمیر پولیس کے جوانوں کے نام پر رکھا جائے گا جو ڈیوٹی کے دوران ملک کی خدمت کرتے ہوئے شہید ہوئے تھے۔
حکم میں کہا گیا ہے کہ "ایک اعلی اتھارٹی کی طرف سے موصول ہونے والی ہدایات کے مطابق میں آپ سے درخواست کرتا ہوں کہ آپ ضلع کے دیہاتوں اور میونسپل وارڈز میں ایسے سرکاری اسکولوں کی نشاندہی کریں جو ہمارے شہداء، پولیس/فوج/سی آر پی ایف کے نام سے منسوب ہو سکیں۔"
اس کے علاوہ حکم نامے میں کہا گیا ہے کہ اس سلسلہ میں پولیس، سیول انتظامیہ، پنچایتی اراکین اور فوج کی بھی معاونت حاصل کی جاسکتی ہے۔
یہ بھی پڑھیں: منوج سنہا نے جموں و کشمیر فلم پالیسی 2021 کی رونمائی کی
حکمنامے کے مطابق ضلعی سطح پر ایک کمیٹی تشکیل دی جا سکتی ہے تاکہ مناسب تصدیق کے بعد اس طرح کی تفصیلات تیار کی جا سکے۔ سینئر سپرنٹنڈنٹ آف پولیس ، اسسٹنٹ ڈپٹی کمشنر ، اسسٹنٹ کمشنر (پنچایت) ، یا فوج کے نمائندے کو ضلعی سطح پر فہرست کو حتمی شکل دینے کے لیے کمیٹی میں شامل کیا جا سکتا ہے۔
