پنجاب اسمبلی انتخابات کے نتائج کے بعد اب عام آدمی پارٹی کا دائرہ وسیع ہوتا جارہا ہے، جموں سے سینکڑوں افراد عام آدمی پارٹی میں شامل ہو رہے ہیں، تاکہ جموں وکشمیر اسمبلی انتخابات سے قبل اس کے لیے حمایت حاصل کی جاسکے۔ عام آدمی پارٹی نے پنجاب ریاستی انتخابات میں گانگریس پارٹی کو شکست دینے کے بعد جموں وکشمیر میں ہونے والے عام انتخابات میں حصہ لینے کی تیاریاں کررہی ہیں، جموں میں جموں کشمیر پیپلز موومنٹ کے کارکنان اور رہنماؤں کے ساتھ ساتھ کئی سیاسی و سماجی شخصیات نے بھی عام آدمی میں شمولیت اختیار کی۔ Many Social Workers Joined AAP in Jammu
مزید پڑھیں: AAP Workers Celebration: جموں میں عام آدمی پارٹی کارکنان کا جشن
انہوں نے کہا کہ 'صحت اور تعلیم کسی بھی قوم کی خوشحالی کے لیے ضروری ہے، جبکہ گذشتہ کچھ برسوں میں وزیراعلیٰ اروند کیجریوال کی قیادت میں ان علاقوں میں زبردست تبدیلی دیکھی گئی ہے'۔ انہوں نے کہا کہ 'وزیراعلیٰ کیجریوال کی رہنمائی اور رکن اسمبلی راگھو چڈھا کی محنت سے متاثر ہوکر ہم نے عام آدمی پارٹی میں شمولیت کا فیصلہ کیا ہے'۔ ضلع راجوری کے مینڈھر علاقہ سے آئے پیپلز مومنٹ کے سابق ضلعی صدر نے کہا کہ 'مجھے لگتا ہے کہ ہم صاف سیاست کے ذریعے دنیا میں ایک بڑی تبدیلی لاسکتے ہیں، میں نوجوانوں اور خصوصا اپنی ماؤں، بہنوں سے گزارش کروں گا کہ وہ ہمارے ساتھ شامل ہوں اور سیاست کو تبدیل کریں'۔
