ریاست بہار کے ضلع گیا میں وزیر اعلیٰ اقلیتی روزگار قرض اسکیم کے تحت فارم بھرنے کی آخری تاریخ 31 مارچ کی تھی جوکہ ختم ہو گئی ہے۔ اس کے بعد تاریخ میں مزید توسیع نہیں کی گئی ہے۔ اب آگے کی کارروائی کی جائے گی۔ اس کے لیے باضابطہ کیمپ لگاکر کاغذات کی جانچ کی جاتی ہے۔ جس میں سبھی کاغذات کے اوریجنل کاپی کے ساتھ درخواست دہندگان کا موجود ہونا لازمی ہوتا ہے۔ اس برس 20 2021 اور 2021-22 کے لیے فارم بھرے گئے ہیں۔ جس میں سات سو کے قریب فارم ضلع اقلیتی فلاح دفتر کو موصول ہوئے ہیں Gaya Minority Finance Office۔
انچارج دھرمیش کمار نے بتایا کہ محکمہ اقلیتی فلاح مالیاتی کارپوریشن کی طرف سے جانچ کیمپ کے لیے جلد ہی تاریخ کا اعلان کر دیا جائے گا۔ ابھی یہ طے ہوچکا ہے کہ کیمپ عید کے بعد ہی لگے گا تاہم تاریخ اور دن ابھی طیے نہیں کیے گئے ہیں۔
مزید پڑھیں:
- Four Hundred Year Old Royal Mosque: بہار کی چار سو سالہ تاریخی شاہی مسجد، مغلیہ عہد کے فن تعمیر کا شاہکار
- Anjuman Islamia Ramazan 2022: انجمن اسلامیہ ہال میں چھ روزہ تراویح مکمّل
واضح رہے کہ ضلع گیا میں ہربرس مالی سال تین کروڈ روپے ملتے ہیں جو لوگوں کے درمیان بطور قرض تقسیم ہوتے ہیں اس مرتبہ بھی رقم طے کی گئی ہے اگر وقت پر سارے کاغذاتی کام مکمل ہوگئے تو مستفدین بغیر وقت ضائع کیے ہی اسکا فائدہ مل جائے گا۔
