حریت اور پاکستان نے کشمیر میں امن کو بگاڑا ہے: صوفی یوسف

بھارتیہ جنتا پارٹی کے یو ٹی نائب صدر صوفی يوسف نے سرکاری ملازمین کی برطرفی کو حکومت کا فیصلہ قرار دیا اور اس کے لیے پاکستان کی کشمیر دشمن پالیسیوں کو ذمہ دار ٹھہرایا۔

اننت ناگ میں ذرائع ابلاغ کے نمائندوں سے بات کرتے ہوئے صوفی یوسف نے کہا کہ، 'سرکاری ملازمین کی برطرفی کو مرکزی حکومت خود دیکھ رہی ہیں، جس کے لئے بہت ساری ایجنسیاں کام کر رہی ہیں۔'

صوفی یوسف نے مرکزی سرکار سے اپیل کرتے ہوئے کہا کہ، 'جموں کشمیر میں آج تک جتنے بھی عسکریت پسند مارے گئے ہیں، ان کے اہل خانہ کے لئے بازآبادکاری کے اقدامات کئے جانے چاہئے۔ انہوں نے کہا کہ کشمیر میں خون خرابہ و امن کو بگاڑنے میں حریت کانفرنس اور پاکستان کا اہم رول ہے۔'

انہوں نے عسکریت پسندوں سے پھر ایک بار ہتھیار ڈال کر قومی دھارے میں شامل ہونے کی اپیل کی۔