اننت ناگ:ضلع انتظامیہ اننت ناگ نے ضلع میں جعلی ایس ٹی سرٹیفکیٹ ریکیٹ کا پردہ فاش Fake ST Certificate Racket Bustedکیا ہے۔ اطلاع کے مطابق چند افراد کی جانب سے اننت ناگ میں جعلی ایس ٹی سرٹیفکیٹ جاری کیے جانے کی شکایت موصول ہوئی تھی۔
تفصیلات کے مطابق ضلع بھر میں مبینہ طور پر متعدد افراد نے ان جعلی سرٹیفکیٹ کی بنیاد پر ملازمتیں حاصل کی ہیں۔شکایات کا تعلق بنیادی طور پر تحصیل شانگس سے تھا جہاں غیر مستحق افراد کو یہ سرٹیفکیٹ جاری کیے گئے تھے۔
ضلع انتظامیہ نے کارروائی کرتے ہوئے ایک ٹیم تشکیل دے کر آپریشن شروع کیا۔ ریونیو کے سینئر افسران، ڈی ایس پی ہیڈکوارٹر، اننت ناگ پر مشتمل ایک خصوصی ٹیم نے ملزم کی رہائش گاہ پر چھاپہ مارا۔
کارروائی کے دوران ملزم کو گرفتار کر لیا گیا۔ملزم کے قبضے سے متعدد قابل اعتراض اشیاء اور دستاویزات بھی برآمد کی گئیں۔ چند جعلی ایس ٹی سرٹیفکیٹس بھی برآمد کی گئیں۔
اس آپریشن کو ضلع ترقیاتی کمشنر اننت ناگ کی زیر نگرانی میں انجام دیا گیا۔
مزید پڑھیں:
پولیس نے اس معاملے میں متعلقہ دفعات کے تحت مقدمہ درج کر لیا ہے۔ ابتدائی تفتیش کے مطابق ملزم کو یہ معلومات حاصل تھیں کہ 2014 کے سیلاب کے دوران (قبائلی آبادی) ایس ٹی طبقہ سے متعلق ریکارڈ ضائع ہو گیا تھا اس لیے ملزم نے اس کا فائدہ اٹھانے کے لیے یہ غیر قانونی کام شروع کیا۔اس سلسلے میں مزید تفتیش جاری ہے۔
ہم آپ کو بتادیں کہ مختلف فلاحی اسکیموں جیسے پی ایم اے وائی ہاؤسز، اسکالرشپ، نوکریاں و دیگر کئی فوائد حاصل کرنے کے لیے ایس ٹی سرٹیفکیٹس لازمی ہیں۔
